سولتٷستٸك قازاقستان وبلىسى جەلياكوۆو ەلدٸ مەكەنٸندە بولعان ٶرتتە 6 تۇرعىن ٷي مەن قورا-قوپسىلاردان بٶلەك, مالى, ٷي قۇستارى دا جانىپ كەتتٸ, دەپ حابارلايدى "ۇلت اقپارات".
سقو تٶتەنشە جاعدايلار دەپارتامەنتٸندە ٶتكەن بريفينگٸدە قىزىلجار اۋدانى جەلياكوۆو ەلدٸ مەكەنٸندە بولعان ٶرتكە قاتىستى ماماندار اقپارات بەردٸ.
«تۇرعىنداردان سۇراستىرۋ كەزٸندە 8,5 ملن تەڭگەنٸڭ شىعىنى كەلتٸرٸلگەنٸ انىقتالدى. ٶرت كەزٸندە بٸر ٸرٸ قارا مال, 4 توراي, 40 تاۋىق پەن 4 قاز قىرىلدى. ٶرت شالعان اۋماق – 950 شارشى مەتر. ٷش تۇرعىن ٷي جەنە 3 بوس تۇرعان ٷي, ەكٸ قورا-قوپسى ٶرتەندٸ. بٸزگە باستاپقىدا «ەكٸ بۇزاۋ جانىپ كەتتٸ» دەپ ايتتى. ال كەشكە قاراي تۇرعىندار مالدارىنىڭ تابىلعانىن ايتىپ حابارلاستى. سونداي-اق كەيبٸرٸنٸڭ ەلٸ كٷنگە يتتەرٸ تابىلماي جاتىر. قاشىپ كەتكەن ەكەن», - دەيدٸ قىزىلجار اۋداندىق تٶتەنشە جاعدايلار بويىنشا بٶلٸمنٸڭ باستىعى اسلان احمەتجانوۆ.
ۆاگۋلينو اۋىلدىق وكرۋگٸندە ٷيلەردٸڭ ورتاشا باعاسى – 500-700 مىڭ تەڭگە شاماسىندا. ەكٸ وتباسى سول اۋىلداعى بوس ٷيلەرگە كٶشٸپ كٸرمەك.
«بٸرەۋٸ سول اۋىلدا بوس تۇرعان ٷيگە كٶشٸپ كٸردٸ. ولار سول ٷيدٸ شامامەن 500 مىڭ تەڭگەگە ساتىپ الماق. ەكٸنشٸ وتباسىعا ۋاقىتشا باسپانا بەرٸلدٸ. ولار دا سول اۋىلدان ٷي ساتىپ الۋدى جوسپارلاپ وتىر. ال ٷشٸنشٸسٸ جالعىزباستى زەينەتكەر. ول اققايىڭ اۋدانىنداعى قارتتار ٷيٸنە باراتىن بولىپ شەشتٸ», - دەيدٸ اسلان احمەتجانوۆ.
ٶرتكە قاتىستى قىزىلجار اۋداندىق پوليتسييا بٶلٸمٸ «بٶتەننٸڭ مٷلكٸن ابايسىزدا جويۋ نەمەسە بٷلدٸرۋ» بابى بويىنشا قىلمىستىق ٸس قوزعادى. قازٸر تەرگەۋ امالدارى جٷرگٸزٸلٸپ جاتىر. ٶرت-تەحنيكالىق ساراپتاما تاعايىندالىپ, ٶرتتٸڭ شىعۋ سەبەبٸ انىقتالادى. ماتەريالدىق شىعىن كٶلەمٸ ەسەپتەلٸپ, ٶرتتٸڭ شىعۋىنا سەبەپكەر تۇلعا ٸزدەستٸرٸلەدٸ.
ەستەرٸڭٸزگە سالا كەتەيٸك, 2 مامىر كٷنٸ سقو-نىڭ جەلياكوۆو اۋىلىندا قۋراعان شٶپكە وت قويعاندا, ٶرت اۋىلعا كٸرٸپ, 6 ٷي جانىپ كەتكەن ەدٸ. ٶڭٸر باسشىسى قۇمار اقساقالوۆ ٶرتتەن زارداپ شەككەندەرگە كٶمەك كٶرسەتٸلەتٸنٸن ايتتى.
