سولتٷستٸك قازاقستان وبلىسى ەلٸمٸزدە قاتەرلٸ ٸسٸك اۋرۋلارىنىڭ تارالۋى بويىنشا الدىڭعى ورىنداردا كەلەدٸ. جىل سايىن ٶڭٸردە جاڭادان 1,5 مىڭ ادامدا وبىر انىقتالادى, دەپ حابارلايدى قازاقپارات.
سقو كٶپبەيٸندٸ ونكولوگييا اۋرۋحاناسىنىڭ ونكولوگ دەرٸگەرٸ يرينا استانينانىڭ ايتۋىنشا, وبىر اۋرۋى ادام تاڭدامايدى, ونىمەن جاس تا, كەرٸ دە, باي دا, جۇمىسسىز دا اۋىرۋى مٷمكٸن. الايدا دەرتتٸڭ ەمٸ بار. تەك ۋاقىتىن ٶتكٸزٸپ الماي, دەر كەزٸندە دەرٸگەرگە كٶرٸنگەن جٶن.
«قاتەرلٸ ٸسٸك دياگنوزى قويىلعاندا كٶپ جاعدايدا ول سىرقاتتى ەسەڭگٸرەتٸپ جٸبەرەدٸ. نەگە مەن اۋىردىم, ەندٸ نە ٸستەيمٸن, كٷرەسەمٸن بە, ەلدە تاعدىرعا مويىنسۇنىپ, قابىلدايمىن با دەگەن سۇراق تۋادى. ناۋقاس ٶز دەرتٸ جايىندا تولىق بٸلۋٸ تيٸس. دەرٸگەر بەرگەن اقپارات وعان تٷسٸنٸكتٸ عانا بولماي, ٷمٸت تە بەرۋٸ كەرەك. كەي كەزدە سىرقات ٷشٸن شەشٸمدٸ ونىڭ تۋىستارى قابىلداپ, زييان تيگٸزٸپ جاتادى. مامانداردىڭ ەشقايسى سىرقاتتىڭ تەۋٸر بولاتىنىنا 100 % كەپٸلدٸك بەرمەيدٸ», - دەيدٸ يرينا استانينا.
دەرٸگەردٸڭ ايتۋىنشا, قاتەرٸ ٸسٸكپەن اۋىرعان سىرقاتتاردىڭ باسىم بٶلٸگٸ ونكولوگتىڭ ەمٸن قابىلداپ, ايتقاندارىن قالتقىسىز ورىنداۋعا تىرىسادى.
«بٸزدە 5 جىل جەنە ودان دا كٶپ ٶمٸر سٷرٸپ جاتقان سىرقاتتارىمىزدىڭ تٸزٸمٸ بار. بۇل بٸز ٷشٸن ٶتە ماڭىزدى. قازٸر ونكولوگييا دامىپ كەلەدٸ. ورتالىققا دا جاڭا قوندىرعىلار الىنىپ جاتىر. كٷردەلٸ وتالار جاسالادى. قاتەرلٸ ٸسٸكتٸڭ الدىن الۋعا كٶپ كٶڭٸل بٶلٸنەدٸ. باسالارعا ٷلگٸ بولارلىق ناۋقاستارىمىز دا كٶپ. ولار اۋرۋمەن كٷرەسٸپ قانا قويماي, قالىپتى ٶمٸر سٷرٸپ جاتىر, ياعني جۇمىس تا ٸستەيدٸ, قوعامدىق ٶمٸرگە دە بەلسەنە ارالاسادى, شىعارماشىلىق بيٸكتەردەن دە كٶرٸنٸپ جٷر», - دەيدٸ ونكولوگ دەرٸگەر.
جىل سايىن سقو-دا جاڭادان 1,5 مىڭ ادامدا وبىر انىقتالادى.
«مەنٸڭ بٸر پاتسيەنتٸم – ەيەل ادام 2003 جىلدان بەرٸ قاتەرلٸ ٸسٸك اۋرۋىمەن اۋىرادى. كەشەندٸ ەم العاننان كەيٸن 5 جىل جاعدايى جاقسى بولدى. كەيٸن قايتا اۋرۋى ٶرشٸدٸ. تاعى دا ەمدەدٸك. ەكٸ جىلدان كەيٸن مەتاستاز پايدا بولدى. بٸراق ول اۋرۋمەن كٷرەستٸ توقتاتقان جوق. جۇمىس ٸستەيدٸ, ٶزٸن كٷتەدٸ, «مەنٸڭ بولاشاققا جوسپارىم كٶپ, اياقتالماعان ٸستەرٸم بار» دەيدٸ. كەيدە ساناۋلى عانا كٷنٸ قالدى دەگەن ناۋقاستارىمىز اياققا تۇرىپ كەتٸپ جاتادى. مۇنىڭ قۇپيياسى نەدە ەكەنٸن تٷسٸنۋ قيىن. ٶكٸنٸشكە وراي اۋرۋىن اسقىندىرىپ الىپ كەلەتٸندەر دە بار. ولار «بٸر دەرٸمەن» تەزارادا جازىلىپ كەتكٸلەرٸ كەلەدٸ. بۇل دۇرىس ەمەس. دەرٸگەر مەن ناۋقاس بٸرٸگە ەرەكەت ەتكەندە عانا اۋرۋدى جەڭۋگە بولادى», - دەيدٸ يرينا استانينا.
دەرٸگەردٸڭ پٸكٸرٸنشە, سىرقات اۋرۋمەن كٷرەسكە دايىن بولىپ, پوزيتيۆتٸ ويلاۋى قاجەت. قاتەرلٸ ٸسٸك دياگنوزى قويىلعان ناۋقاستاردىڭ 80 %-ى مويىنسۇنباي, بولاشاقتان ٷمٸتٸن ٷزبەيدٸ.
«كەي سىرقاتتارعا پسيحولوگتاردىڭ كٶمەگٸ كەرەك. ەندٸ بٸرەۋلەرٸ دياگنوز قويىلعاننان كەيٸن دە سەنبەي, «مەنٸڭ ەش جەرٸم اۋىرمايدى, اۋقاتىم جاقسى» دەپ ەم الۋدان باس تارتادى. كەيٸن جاعداي ۋشىققاندا جاقىنىنىڭ سٷيەمەلدەۋٸمەن كەلەدٸ. وبىر – بۇل تۇماۋ ەمەس, ويلاماعان جەردەن پايدا بولىپ, ەكٸ-ٷش كٷننەن كەيٸن باسىلاتىن. سول سەبەپتٸ ونى ەرتە باستان انىقتاپ, ەم قابىلداۋدىڭ ماڭىزى زور. اۋرۋدىڭ ەرتە كەزەڭٸندە كەيدٸ بٸر وتامەن عانا ەمدەپ جازۋعا بولادى», - دەيدٸ ونكولوگ.
ەلٸمٸزدە 2005 جىلدان باستاپ جاتىر موينى جەنە سٷت بەزٸنٸڭ قاتەرلٸ ٸسٸگٸن ەرتە باستان انىقتاۋ ماقساتىندا ەكٸ سكرينينگتٸك باعدارلاما قولعا الىنعان. 2011 جىلدان باستاپ ولاردىڭ قاتارىنا تٸك ٸشەك قاتەرلٸ ٸسٸگٸنە جٷرگٸزٸلەتٸن سكرينينگ قوسىلدى.
