سولتٷستٸك قازاقستان وبلىسىنىڭ بٸلٸم بەرۋ مەكەمەلەرٸندە ۇلى ابايدىڭ 175 جىلدىعىنا ارنالعان مەرەيتويلىق ٸس-شارالار باستاۋ الدى, دەپ حابارلايدى "ۇلت اقپارات".
اباي قۇنانباەۆتىڭ مەرەيتويىنا ارنالعان سالتاناتتى ٸس-شارالار وبلىستىڭ بارلىق بٸلٸم ورداسىندا كەڭ كٶلەمدە ۇيىمداستىرىلماق. سقو بٸلٸم باسقارماسى ارنايى جوسپار قۇرىپ, بەكٸتتٸ. بٷگٸن پەتروپاۆل قالاسىنداعى وقۋشىلار سارايىندا ٶتكەن «حەكٸم اباي دانالىعى» اتتى كەش سونىڭ باستاۋى بولدى.
«وبلىستاعى بارلىق مەكتەپتەردە اباي ورتالىقتارىن اشۋ جوسپارلانعان. ول جەردە ابايتانۋ پەندەرٸ قوسىمشا ساباق رەتٸندە ٶتەتٸن بولادى. جالپى جوسپارىمىز اۋقىمدى. تٷرلٸ ۆيكتورينالار, تەربيە ساعاتتارى, كونكۋرستار جوسپارلانعان. ۇستازدار اراسىندا حالىقارالىق فورۋم ۇيىمداستىرامىز, سونداي-اق مۇعالٸمدەردٸڭ عىلىمي زەرتتەۋلەرٸ بويىنشا كٸتاپ شىعارامىز», - دەيدٸ وبلىستىق بٸلٸم باسقارماسىنىڭ جەتەكشٸسٸ گٷلميرا كەرٸموۆا.
كەشتە ابايدىڭ ٶلەڭدەرٸ وقىلىپ, ەندەرٸ ايتىلدى. كٶرەرمەننٸڭ نازارىنا تەاترلاندىرىلعان كٶرٸنٸس ۇسىنىلدى. ٶڭٸردٸڭ زييالى قاۋىم ٶكٸلدەرٸ جاستار ٶنەگە الار ويلارىمەن بٶلٸستٸ.
«ابايدىڭ بويىنداعى, ونىڭ ناقىل سٶزدەرٸندەگٸ بار جاقسى قاسيەت ەر قازاقتىڭ بويىنان تابىلسا ەكەن دەيمٸز. اباي وسىدان 1,5 عاسىر بۇرىن ٶمٸر سٷرسە دە, سول كەزدەگٸ قازاقتىڭ مٸنەز-قۇلقىنداعى, سالت-ساناسىنداعى جاعدايلار ەلٸ ٶزگەرگەن جوق», - دەيدٸ كەشتٸڭ قۇرمەتتٸ قوناعى, قازاقستاننىڭ ەڭبەك سٸڭٸرگەن قايراتكەرٸ, پروفەسسور زارقىن تايشىباي.
جاقىندا ۇلى اقىننىڭ مەرەيتويىنا وراي پەتروپاۆلداعى 19 ىقشام اۋداندا ورنالاسقان قازاق مەكتەپ-گيمنازيياسىنا اباي ەسٸمٸ بەرٸلمەك. وبلىستىق بٸلٸم باسقارماسىنىڭ باسپاسٶز حاتشىسى جانسايا قايىپوۆانىڭ ايتۋىنشا, قازٸرگٸ ۋاقىتتا قاجەتتٸ قۇجاتتار ەزٸرلەنٸپ جاتىر. بۇدان باسقا م.قوزىباەۆ اتىنداعى سولتٷستٸك قازاقستان مەملەكەتتٸك ۋنيۆەرسيتەتٸ جانىنداعى تٸل جەنە ەدەبيەت ينستيتۋتىنا دا قازاقتىڭ بٸرتۋار اقىنىنىڭ ەسٸمٸ بەرٸلەدٸ دەپ جوسپارلانعان.
