سولتٷستٸك قازاقستان وبلىسىنداعى شارۋاشىلىقتاردىڭ بٸرٸندە ٸرٸ قارا مال قۇتىرما اۋرۋىن تٷلكٸدەن جۇقتىرىپ, اسىل تۇقىمدى سيىر ٶسٸرۋمەن اينالىساتىن سەرٸكتەستٸككە شەكتەۋ شارالارى ەنگٸزٸلدٸ, دەپ حابارلايدى "ۇلت اقپارات".
سقو ۆەتەرينارييا باسقارماسىنىڭ جەتەكشٸسٸ بەرٸك ەلجانوۆتىڭ ايتۋىنشا, تيميريازەۆ اۋداندىق ۆەتەرينارييالىق قىزمەتتەن جەدەل حابارلاما تٷسكەن. دوكۋچاەۆ ەلدٸمەكەنٸندەگٸ «اتامەكەن-اگرو-تيميريازەۆو» جشس-دە بٸر ٸرٸ قارا مالدا قۇتىرما اۋرۋىنىڭ بەلگٸلەرٸ بولعان. سول كٷنٸ مالدىڭ كٶزٸ جويىلدى. پاتولوگييالىق ماتەريال الىنىپ, زەرتحاناعا جەتكٸزٸلدٸ. ساراپتاما نەتيجەسٸ ونىڭ قۇتىرما اۋرۋىن جۇقتىرعانىن راستادى.
«ۆەتەرينارييالىق تالاپتارعا ساي وسى شارۋاشىلىققا شەكتەۋ شارالارى ەنگٸزٸلدٸ. ول 60 كٷنگە سوزىلادى. بۇل ۋاقىتتا شارۋاشىلىقتان مالدى شىعارۋعا جەنە كٸرگٸزۋگە بولمايدى. قازٸرگٸ ۋاقىتتا سەرٸكتەستٸكتەگٸ باسقا مالدان اۋرۋ انىقتالعان جوق. بۇل دەل ۋاقىتىندا تيٸستٸ شارالاردى قولدانۋدىڭ نەتيجەسٸندە مٷمكٸن بولىپ وتىر. ياعني اۋرۋ مال تۇرعان جەر دەزينفەكتسييالاندى, اۋرۋ سيىر ٶرتەندٸ. قالعان مال باقىلاۋعا الىندى», - دەيدٸ بەرٸك ەلجانوۆ.
«اتامەكەن-اگرو-تيميريازەۆو» جشس-گٸ اسىل تۇقىمدى مال ٶسٸرۋمەن اينالىسادى. شارۋاشىلىقتا ەتتٸ باعىتتاعى 1600 انگۋس تۇقىمداس سيىر بار. جانۋارلار اشىق قاشادا تۇرادى ەكەن.
«اۋرۋدىڭ پايدا بولۋىنىڭ نەگٸزگٸ سەبەبٸ – جىرتقىش جابايى اڭداردىڭ ەلدٸمەكەندەرگە, شارۋاشىلىقتارعا كٸرۋٸ. بيىل قىس قاتتى بولدى, جابايى اڭدار قورەك تابا الماي اۋىلدارعا كٸرٸپ كەتتٸ. ولار مالدى قاۋىپ, سيىر سودان جۇقتىرۋى مٷمكٸن. بۇل جولى قاۋٸپتٸ اۋرۋ تٷلكٸدەن جۇققان. ال باسقا مالدارعا سٸلەكەي ارقىلى, جەمشٶپ ارقىلى دا جۇعۋى مٷمكٸن. قازٸر شارۋاشىلىقتا جاعداي تۇراقتى», - دەيدٸ باسقارما باسشىسى.
ماماننىڭ ايتۋىنشا, قۇتىرما اۋرۋىن جۇقتىرعان جانۋاردىڭ سٸلەكەيٸ اعادى, جٷيكە جٷيەسٸنٸڭ زاقىمدانۋىنا بايلانىستى قوزادى. سۋدان, جارىقتان, ادامداردان قورقىپ, تاماق ٸشپەي قويادى.
قۇتىرما اۋرۋىنا قارسى ۆاكتسينا بار. بيىل سقو بويىنشا 53 مىڭ مالعا ەكپە جاساۋ جوسپارلانعان. بەرٸك ەلجانوۆتىڭ ايتۋىنشا, ۆاكتسينا الىندى, جۇمىستار جٷرگٸزٸلٸپ جاتىر. ەكپە اۋرۋ مالدىڭ وشاعى تابىلعان ۋاقىتتا سول جاقىن جەردەگٸ مالدارعا ەگٸلەدٸ.
سوڭعى رەت اقپان ايىندا مامليۋت اۋدانى مەڭگەسەر اۋىلىنداعى جەكەمەنشٸك مالدا قۇتىرما اۋرى تٸركەلدٸ. ول جولى دا بٸر سيىردان انىقتالدى. ونداعى اۋرۋ مال جويىلىپ, قالعان سيىرلارعا تولىق ۆاكتسينا ەگٸلدٸ.
