سولتٷستٸك قازاقستان وبلىسى ۋەليحانوۆ اۋدانىنداعى «كٸشكەنەكٶل» شەكارا بٶلٸمٸنٸڭ باستىعى ايدىن تۇرسىنعازىۇلى سۋعا كەتكەن 2 جاسار سەبيدٸڭ تٸرٸ قالۋىنا سەبەپشٸ بولدى, دەپ حابارلايدى "ۇلت اقپارات".
شەكارا قىزمەتٸنٸڭ سقو بويىنشا دەپارتامەنتٸ باسپاسٶز قىزمەتٸنٸڭ مەلٸمەتٸنشە, وقىس وقيعا 18 شٸلدە كٷنٸ ساعات 17.30 شاماسىندا ۋەليحانوۆ اۋدانىنىڭ قاراتەرەك اۋىلىندا بولعان.
اۋلادا ويناپ جٷرگەن 2 جاسار سەبي بٸر مەزەت اتا-انا باقىلاۋىنسىز قالىپ, سۋ تولى ىدىسقا قۇلاپ كەتكەن.
بالانىڭ سۋدا قانشا بولعانى بەلگٸسٸز, ونى تاپقان كەزدە سەبيدە تٸرشٸلٸك بەلگٸسٸ بولماعان ەكەن.
سول كٷنٸ «كٸشكەنەكٶل» شەكارا بٶلٸمٸنٸڭ باستىعى ايدىن تۇرسىنعازى جۇمىسپەن قاراتەرەك اۋىلىنا كەلگەن ەكەن. ول وقىس وقيعانىڭ ٷستٸنەن تٷسكەن.
«ماعان شەكارانى ٶتۋ بويىنشا حالىقپەن تٷسٸندٸرۋ جۇمىسىن جٷرگٸزۋ مٸندەتٸ قويىلدى. اۋىل تۇرعىنارىمەن, فەرمەرلەرمەن سٶيلەستٸم, سوسىن اۋىل ەكٸمٸنٸڭ ٷيٸنە باردىم. جەكسەنبٸ بولاتىن. ەكٸمنٸڭ ٷيٸنە تۋعان ٸنٸسٸ وتباسىمەن, سونىڭ ٸشٸندە 2 جاسار سەبيٸمەن نۇر-سۇلتان قالاسىنان قوناققا كەلگەن ەكەن. سٶيلەسٸپ تۇرعاندا بالاسىن ٸزدەگەن انانىڭ داۋسى شىقتى. ەرٸ-بەرٸ جٷگٸرٸپ تاپپادى. بٸز دە ٸزدەۋگە قوسىلدىق. بٸر كەزدە ٷي يەسٸ - ەكٸم سۋ تولى ىدىستان سەبيدٸ تاۋىپ, كٶتەرٸپ الىپ شىقتى. بالا كٶگەرٸپ كەتكەن, قانشا ۋاقىت سۋدا بولعانى بەلگٸسٸز, تٸرشٸلٸك بەلگٸسٸ بولمادى», - دەيدٸ ايدىن تۇرسىنعازى.
شەكاراشى بويىن بٸردەن جيناپ الىپ, سەبيگە العاشقى مەديتسينالىق كٶمەك كٶرسەتەدٸ.
«جاساندى جولمەن دەمالدىرۋعا كٸرٸستٸم. جٷرەك تۇسىن ۋقالادىم. بالانىڭ ٶمٸرٸ ٷشٸن 15 مينۋت الىسقان شىعارمىن. شارشاپ, ەكٸ-ٷش رەت توقتاپ, اناسى جىلاپ, توقتاماڭىز, كٶمەكتەسٸڭٸز دەپ, بٸر مەزەت بالانىڭ ىڭىرسىعان داۋسى شىقتى-اۋ ەيتەۋٸر.
فەلدشەردٸ شاقىرىپ, ول دەرٸ ەگٸپ, بٸردەن اۋداندىق اۋرۋحاناعا ەكەتتٸ. ودان جەدەل جەردەممەن وبلىس ورتالىعىنا جەتكٸزٸلدٸ. بالا امان-ەسەن. قازٸر جاعدايى جاقسى, اپتانىڭ سوڭىنا قاراي اۋرۋحانادان شىعادى دەپ ەستٸدٸم.
اقىل-ەسٸ ساۋ, تٷزۋ, سونشاما ۋاقىت مىيىنا وتتەگٸ بارماعاندىقتان مٷگەدەك بولىپ قالار ما ەكەن دەپ قورقىپ ەدٸم. ەيتەۋٸر امان قالدى», - دەيدٸ ايدىن تۇرسىنعازى.
قازٸرگٸ ۋاقىتتا سەبي نۇر-سۇلتان قالاسىندا ەم قابىلداپ جاتىر. جاعدايى جاقسى.
