سولتٷستٸك قازاقستان وبلىسىنداعى سەرگەەۆ سۋ قويماسى تاسىپ جاتىر. مامانداردىڭ ايتۋىنشا, اسىپ-تٶگٸلۋ 1 سم-گە جەتتٸ, دەپ حابارلايدى "ۇلت اقپارات".
«قازگيدرومەت» رمك سقو فيليالىنىڭ مەلٸمەتٸنشە, ٶڭٸردەگٸ بارلىق سۋ قويمالارىندا سۋ دەڭگەيٸ كٶتەرٸلٸپ جاتىر. ال كوۆىلنوە ەلدٸ مەكەنٸنٸڭ ماڭىنداعى اقانبۇرلىق ٶزەنٸندە مۇز كەپتەلٸسٸ پايدا بولىپ, سۋ دەڭگەيٸ 40 سم دەيٸن تٷستٸ. مۇز كەپتەلٸسٸ توقسان بي اۋىلىنىڭ ماڭىندا ەسٸل ٶزەنٸندە دە بايقالادى.
وبلىستاعى يمانبۇرلىق, اقانبۇرلىق, شارىق, قامىساقتى شاعىن ٶزەندەرٸندە سۋ دەڭگەيٸ كٷننەن-كٷنگە كٶتەرٸلٸپ جاتىر. بٸر تەۋلٸكتە 8-160 سم-گە دەيٸن ٶزگەرگەن. بابىقبۇرلىق ٶزەنٸندە, گۋساكوۆكا اۋىلى ماڭىندا ورنالاسقان گيدروپوستتا ماماندار سۋدىڭ 160 سم-گە دەيٸن كٶتەرٸلگەنٸن تٸركەگەن.
ۆوزۆىشەنكا ەلدٸ مەكەنٸ ماڭىنداعى اقانبۇرلىق ٶزەنٸندە, مۇقىر اۋىلىنىڭ ماڭىنداعى مۇقىر ٶزەنٸندە سەڭ جٷرٸپ جاتىر. سەرگەەۆكا قالاسىنىڭ ماڭىنداعى ەسٸل ٶزەنٸندە مۇز جوق, سۋ دەڭگەيٸ بٸر قالىپتى, ارتىق سۋ بٶگەنگە جينالۋدا.
ساعات 16.00-دەگٸ جاعداي بويىنشا سەرگەەۆ سۋ قويماسى تاسي باستادى.
ال ع.مٷسٸرەپوۆ اۋدانىنداعى توقسان بي ەلدٸ مەكەنٸ ماڭىنداعى ەسٸل ٶزەنٸندە مۇز جٷرٸپ جاتىر. تٷس ۋاقىتىندا سۋ دەڭگەيٸ 676 سم جەتكەن. بۇل گيدروپوستتا سۋ دەڭگەيٸ 9 سەۋٸردەن باستاپ عانا كٶتەرٸلٸپ جاتىر. بىلتىر بۇل قۇبىلىس 2 سەۋٸردە تٸركەلدٸ.
ەسٸل ٶزەنٸندە ورنالاسقان گيدروپوستتاردا سۋ دەڭگەيٸنٸڭ 5 سم-85 سم-گە دەيٸن ٶزگەرگەنٸن كٶرۋگە بولادى.
ٷلكەن توراڭعۇل كٶلٸندە دە ٶزگەرٸس بار. كٶلدٸڭ سۋى 1 سم كٶتەرٸلٸپ, 323 سم جەتكەن.
