سولتٷستٸك قازاقستان وبلىسىندا 200 مىڭ تەڭگە پارا الدى دەگەن كٷدٸكپەن ۇستالعان دەنساۋلىق ساقتاۋ باسقارماسى باستىعىنا قاتىستى سوت ٷكٸمٸ شىقتى. ەكس-شەنەۋنٸككە پارا بەرۋشٸ دە جازالاندى, دەپ حابارلايدى قازاقپارات.
پەتروپاۆل قالالىق سوتىندا پارا الدى دەپ كٷدٸكتەلگەن سولتٷستٸك قازاقستان وبلىسى دەنساۋلىق ساقتاۋ باسقارماسى باسشىسى قابدراحمان ساقتاعانوۆ پەن وعان پارا بەردٸ دەپ ۇستالعان «دەنساۋلىق» جەكە كوممەرتسييالىق ەمەس مەكەمەسٸنٸڭ ديرەكتورى ايناگٷل قاراباەۆانىڭ ٸسٸ قارالىپ, سوڭعى نٷكتەسٸ قويىلدى. مەديتسينا قىزمەتكەرلەرٸ سىبايلاس جەمقورلىقپەن وسىدان شامامەن بٸر اي بۇرىن ۇستالعانىمەن, ٸستٸڭ مەن-جايى وسى كٷنگە دەيٸن بەلگٸسٸز بولىپ كەلدٸ.
پارانىڭ مٶلشەرٸ – 200 مىڭ تەڭگە. «دەنساۋلىق» مەكەمەسٸنٸڭ ديرەكتورى وسىنشاما قاراجاتتى باسقارما باسشىسىنىڭ كابينەتٸنە اپارىپ بەرگەن. تەرگەۋ بارىسىندا بۇل قاراجاتتىڭ وڭ شەشٸم قابىلدانۋى ٷشٸن ۇسىنىلعانى انىقتالدى. قاراباەۆا مەكەمەسٸنە جاڭادان كەلگەن ٷش جاس مامانعا وسىلايشا ەلەۋمەتتٸك تٶلەم جاساتپاق بولعان. ٶيتكەنٸ مەسليحاتتىڭ شەشٸمٸمەن ٷستەماقى تەك مەملەكەتتٸك مەكەمەلەرگە ورنالاسقان ماماندارعا عانا تيەسٸلٸ.
«مەكەمە ديرەكتورى باسقارما بۇل مەسەلەنٸ شەشۋدە قولداۋ كٶرسەتۋٸ ٷشٸن حات جازعان. كەيٸن مەسەلە وڭ شەشٸلۋٸ ٷشٸن ساقتاعانوۆتىڭ كابينەتٸنە كەلٸپ, جۇمىس پاپكالارىنىڭ بٸرٸنە 200 مىڭ تەڭگە سالىنعان كونۆەرتتٸ سالعان جەنە ونى ٶزٸنٸڭ زاڭعا قايشى ەرەكەت جاساپ جاتقانىن ەسكەرتكەن. ساقتاعانوۆ كونۆەرتتەن 200 مىڭ تەڭگە كٶلەمٸندەگٸ اقشانى الىپ, ونى ٶز ەمييانىنا سالعان, وسىلايشا ٶز مەنشٸگٸنە اينالدىردى», - دەيدٸ سقو پروكۋراتۋرا باسقارماسىنىڭ اعا پروكۋرورى اسىلبەك قوڭىراتوۆ.
سىبايلاس جەمقورلىققا قارسى قىزمەت باسقارما باسشىسىن سول كٷنٸ ٷيٸنە كەلگەسٸن ۇستادى. پارا الۋشى دا, ونى بەرۋشٸ دە ٶز كٸنەسىن مويىندادى.
پەتروپاۆل قالالىق سوتىنىڭ سۋدياسى دينارا بايزاقوۆا قابدىراحمان ساقتاعانوۆكە 5 ملن 807 مىڭ تەڭگە مٶلشەرٸندە ايىپپۇل سالدى. بۇعان دەيٸن ٷي قاماقتا وتىرعان ەكس-شەنەۋنٸك ەشقايدا كەتپەۋ جٶنٸندەگٸ قولحاتپەن بوساتىلدى. ال ايناگٷل قاراباەۆاعا 4 ملن تەڭگە ايىپپۇل سالىندى. ەكەۋٸ دە ٶمٸر بويىنا لاۋازىمدى قىزمەتكە ورنالاسۋ قۇقىقتارىنان ايىرىلدى.
قابدراحمان ساقتاعانوۆ ۆەدومستۆونى 2010-14 جىلدار ارالىعىندا باسقاردى. ەكٸنشٸ رەت بىلتىر شٸلدە ايىندا تاعايىندالعان ەدٸ.
