پەتروپاۆلدا ناۋقاسپەن جاقىن قارىم-قاتىناستا بولعان ەكٸ ادامنان قاۋٸپتٸ ٸندەت انىقتالدى, دەپ حابارلايدى "ۇلت اقپارات".
شۇعىل شتابتىڭ مەلٸمەتٸنشە, COVID-19 ٸندەتٸن جۇقتىرعان ەكەۋ پەتروپاۆل قالاسىندا تۇرادى. ەر ادام - 1955, ەيەل – 1988 جىلى تۋعان. ولار استانادا ەمدەلٸپ, سول جاقتا كوروناۆيرۋس جۇقتىرىپ العان 63 جاستاعى ەيەلمەن جاقىن قارىم-قاتىناستا بولعان.
COVID-19-عا تەكسەرۋ نەتيجەسٸندە ولاردىڭ ساراپتاماسى وڭ نەتيجە بەردٸ. قاۋٸپتٸ ۆيرۋستى جۇقتىرعاندار پەتروپاۆلداعى بٸرٸنشٸ قالالىق اۋرۋحانانىڭ جۇقپالى اۋرۋلار بٶلٸمٸنە جاتقىزىلدى. ناۋقاستاردا اۋرۋدىڭ كلينيكالىق بەلگٸلەرٸ جوق. ولارمەن بايلانىستا بولعان 7 ادام انىقتالدى. ەپيدەميولوگييالىق تەرگەۋ جۇمىستارى جٷرگٸزٸلٸپ جاتىر.
جالپى, 2 ماۋسىمداعى جاعداي بويىنشا سقو اۋماعىندا COVID-19 ۆيرۋسىن جۇقتىرعان 61 ادام تٸركەلگەن.
