سقو اققايىڭ اۋدانى توقشىن مەكتەپ-گيمنازيياسى اكت زالىنىڭ تٶبەسٸ جارتىلاي قۇلاعان. وقيعا 4 سەۋٸردە بولعان. زارداپ شەككەندەر جوق. بۇل تۋرالى سقو بٸلٸم باسقارماسىنىڭ باسپاسٶز قىزمەتٸ ٶكٸلٸ ايتتى, - دەپ حابارلايدى Tengrinews.kz.
وقيعانىڭ الدىن الا سەبەبٸ - ٸرگەتاستىڭ شٶگۋٸ جەنە شاتىردان سۋ اعۋى.
"وقيعا ورنىنا ۋەكٸلەتتٸ ورگانداردىڭ باسشىلارى باردى. سونداي-اق, مەن-جايدى انىقتاۋ جەنە شارا قابىلداۋ ٷشٸن ارنايى كوميسسييا قۇرىلدى", - دەدٸ سقو بٸلٸم باسقارماسىنىڭ باسپاسٶز قىزمەتٸ ٶكٸلٸ.
مەكتەپ ديرەكتورى كٷلشارا حاميدۋللينا وقيعا تۋرالى ايتىپ بەردٸ.
"مەكتەپ 1965 جىلى سالىنعان. ەشقاشان كٷردەلٸ جٶندەۋدەن ٶتپەگەن. بيىل جازدا 130 ميلليون تەڭگەدەن اسا سوماعا كٷردەلٸ جٶندەۋ جوسپارلانعان بولاتىن. ٶزٸم جۇمىس ورنىمدا بولدىم, ٶيتكەنٸ مەن دە مۇعالٸممٸن. ۇبت-عا دايىندىق بويىنشا 11-سىنىپقا كەڭەس ٶتكٸزٸپ جاتتىم. ايعاي-شۋ بولدى, دابىل داۋسى شىقتى. ەرينە, مەن كابينەتتەن شىعىپ, تەكسەردٸم. بۇل ۋاقىتتا مۇعالٸمدەر جۇمىس ٸستەپ جاتتى: بٸرەۋ وليمپياداعا دايىندالىپ, بٸرەۋ كابينەتتە جۇمىس ٸستەپ جاتتى. بەرٸمٸز اكت زالىندا نە بولعانىن كٶرۋگە باردىق. ەۆاكۋاتسييا جٷرگٸزٸلدٸ, سىنىپ جەتەكشٸلەرٸنە بالالاردىڭ امان-ساۋ ەكەنٸنە سەنٸمدٸ بولۋ ٷشٸن مەكتەپتٸڭ بارلىق وقۋشىسىن تەكسەرۋ تاپسىرىلدى. سول كەزدە (تٶبەسٸ قۇلاعان كەزدە) مەكتەپ اۋماعىندا ون بٸرٸنشٸ سىنىپ وقۋشىلارى بولدى. اتا-انالار بالالاردى ينتەرنات عيماراتىنداعى شاعىن ورتالىقتان الىپ كەتتٸ", - دەدٸ مەكتەپ ديرەكتورى.
سونداي-اق, كٷلشارا حاميدۋللينا وقۋ ورنى اۋماعىندا مۇعالٸمدەر مەن جاس ماماندار كەزەكشٸلٸك ەتەتٸنٸن ايتتى.
مەكتەپ-گيمنازييادا 293 وقۋشى وقيدى. وقيعا سالدارىن جويعانعا دەيٸن ساباق ونلاين-رەجيمگە كٶشٸرٸلدٸ.
بيىل سقو ەكٸمدٸگٸ وقۋ ورنىن جٶندەۋگە قاراجات بٶلگەن. توقشىن مەكتەپ-گيمنازيياسىنىڭ تٶبەسٸن, اكت زالى مەن ينتەرنات عيماراتىنىڭ تٶبەسٸن اۋىستىرۋ جوسپارلانىپ وتىر.
