بٷگٸن ٷكٸمەت وتىرىسىندا قر اۋىل شارۋاشىلىعى مينيسترٸ ساپارحان وماروۆ سولتٷستٸك قازاقستان وبلىسىنداعى اگروٶنەركەسٸپتٸك كەشەننٸڭ ەلەۋەتٸ جايىندا باياندادى, دەپ حابارلايدى قازاقپارات.
«سولتٷستٸك قازاقستان وبلىسى اگروٶنەركەسٸپتٸك كەشەندٸ دامىتۋ بويىنشا ٷلكەن ەلەۋەتكە يە. اگروٶنەركەسٸپتٸك كەشەندٸ دامىتۋدىڭ مەملەكەتتٸك باعدارلاماسىندا جەنە سولتٷستٸك قازاقستان وبلىسىن دامىتۋدىڭ 2021 جىلعا دەيٸنگٸ كەشەندٸ جوسپارىندا كٶزدەلگەن شارالاردىڭ ارقاسىندا وبلىس ٷشٸن ٶتكەن جىل وڭ نەتيجەلەر كٶرسەتتٸ. ٶسٸمدٸك شارۋاشىلىعىنداعى ەرتاراپتاندىرۋ اياسىندا سوڭعى ٷش جىلدا مايلى داقىلدار الاڭى 1,3 ەسەگە ۇلعايىپ, ٶتكەن جىلى 922,6 مىڭ گەكتاردى قۇرادى. ماشينا-تراكتور پاركٸن جاڭارتۋ جٶنٸندەگٸ مٸندەت اياسىندا 2020 جىلى 2085 اۋىل شارۋاشىلىعى تەحنيكاسى ساتىپ الىندى, بۇل 2018 جىلعىدان 33,6 پايىزعا كٶپ», - دەدٸ مينيستر.
ونىڭ ايتۋىنشا, مال شارۋاشىلىعىندا ٷش جىل ٸشٸندە قۋاتى 36 مىڭ توننا سٷتتٸ قۇرايتىن جاڭا 12 سٷت كەشەنٸ جەنە 3 بورداقىلاۋ الاڭى پايدالانۋعا بەرٸلدٸ. تايىنشا ەت كومبيناتىنا جاڭعىرتۋ جٷرگٸزٸلدٸ, سونداي-اق «BioOperations» جشس زەكٸرلٸك كەسٸپورنىمەن استىق ٶندٸرۋ جەنە ٶڭدەۋ جٶنٸندەگٸ ەكوجٷيە قۇرىلۋدا.
«نەتيجەسٸندە وبلىستىڭ جالپى اۋىل شارۋاشىلىعى ٶنٸمٸنٸڭ كٶلەمٸ ٶتكەن جىلى 779 ملرد تەڭگەنٸ قۇرادى. بۇل – جالپى رەسپۋبليكالىق كٶلەمدە ٶڭٸرلەر اراسىندا ەكٸنشٸ ورىن, ال اۋىل شارۋاشىلىعىنا قۇيىلعان ينۆەستيتسييالار كٶلەمٸ بويىنشا ٶڭٸر بٸرٸنشٸ ورىندا. الايدا, بۇل اۋىل شارۋاشىلىعى بويىنشا ايتارلىقتاي سەرپٸلٸس جاساۋ ٷشٸن جەتكٸلٸكسٸز», - دەدٸ س. وماروۆ.
ايتا كەتەيٸك, بٷگٸن ٷكٸمەت وتىرىسىندا قر ۇلتتىق ەكونوميكا مينيسترٸ ەسەت ەرعاليەۆ سولتٷستٸك قازاقستان وبلىسىنىڭ 2021-2025 جىلدارعا ارنالعان ەلەۋمەتتٸك-ەكونوميكالىق دامۋىنىڭ كەشەندٸ جوسپارىن تانىستىردى. پرەمەر-مينيستر اسقار مامين جوسپار ٶڭٸردٸڭ ينفراقۇرىلىمىن جاقسارتاتىنىن اتاپ ٶتتٸ.
