سولتٷستٸك قازاقستان وبلىسىندا قۇس تۇماۋىنان كەيٸن تۇرالاپ قالعان قۇس شارۋاشىلىعى قايتا قالپىنا كەلتٸرٸلمەك. جۇمىرتقا ٶندٸرٸسٸن ارتتىرۋ ماقساتىندا 627,5 مىڭ تاۋىق ساتىپ الىندى, دەپ حابارلايدى "ۇلت اقپارات".
سقو اۋىل شارۋاشىلىعى جەنە جەر قاتىناستارى باسقارماسىنىڭ مەلٸمەتٸنشە, بىلتىر قۇس تۇماۋى ٶرشٸگەن كەزدە ٶڭٸردٸڭ ٷش قۇس فابريكاسى شىعىنعا باتتى. «فيرما الەكري» جشس 521 مىڭ, «بەسكٶل قۇس فابريكاسى» جشس 359 مىڭ جەنە «ادەل كۋس» جشس 589,3 مىڭ قۇسىنان ايىرىلدى.
ٶڭٸردٸ جۇمىرتقامەن قامتىپ كەلگەن شارۋاشىلىقتار بۇل سالانى قايتا جانداندىرماق. بىلتىر قاراشا-جەلتوقان ايلارىندا قۇس فابريكالارىنا 627,5 مىڭ قۇس جەتكٸزٸلدٸ. سونىڭ ٸشٸندە «فيرما الەكري» جشس 250 مىڭ, «ياكورسكايا پتف» جشس 140 مىڭ, «ادەل كۋس» جشس 156 مىڭ, ال «ەسيلسكايا پتف» جشس 81,5 مىڭ تاۋىق بالاپانى الىندى.
ناۋرىز ايىنان باستاپ «فيرما الەكري» جۇمىرتقا ٶندٸرٸسٸن جولعا قويسا, «ادەل كۋس» جشس ٶنٸمٸ مامىر ايىندا دٷكەن سٶرەلەرٸنە تٷسەدٸ.
«بيىل جىل سوڭىنا دەيٸن ٶڭٸردٸڭ قۇس فابريكالارىنا بٸر تەۋلٸكتٸك 1 ملن 055 مىڭ شٶجە جەتكٸزٸلٸپ وتىرادى. بۇدان باسقا قۇس شارۋاشىلىعىنىڭ ەتتٸ باعىتىن دامىتۋ ٷشٸن 2 برويلەر قۇس فابريكاسىن سالۋ جوسپاردا بار. ولاردىڭ ورتاق قۋاتتىلىعى جىلىا 15 مىڭ توننا. اققايىڭ اۋدانىندا سالىناتىن نىسان 5,5 ملرد تەڭگەگە باعالانعان. «سەۆەرنىي برويلەر» جشس جىلىنا 5 مىڭ توننا قۇس ەتٸن ٶندٸرمەك. ال پەتروپاۆلداعى «پەتروپاۆل برويلەر» جشس 2,4 ملرد تەڭگەگە قۇس فابريكاسىن تۇرىعىزىپ, جىلىنا 10 مىڭ توننا قۇس ەتٸن ساۋداعا شىعارادى», - دەيدٸ سقو اۋىل شارۋاشىلىعى جەنە جەر قاتىناستارى باسقارماسىنىڭ باسشىسى ەربولات بەكشەنوۆ.
