سولتٷستٸك قازاقستان وبلىسىندا كوروناۆيرۋس بويىنشا جاعداي تۇراقتالدى. ينفەكتسييالىق ستاتسيونارلار 20 %-عا عانا تولىق, دەپ حابارلايدى "ۇلت اقپارات".
سقو-دا كوروناۆيرۋسقا قاتىستى ٶڭٸردەگٸ اعىمداعى جاعداي بويىنشا بريفينگ ٶتتٸ. سقو دەنساۋلىق ساقتاۋ باسقارماسى باسشىسىنىڭ ورىنباسارى قۇمار كٷسەمٸسوۆتٸڭ ايتۋىنشا, ٶڭٸردە جاعداي تۇراقتالعان. قازٸر وبلىستاعى ينفەكتسييالىق ستاتسيونارلاردا 244 ادام ەم الىپ جاتىر. بارلىق ورىننىڭ تەك 20 %-ى عانا تولىق. «قازٸر ٶڭٸردە ۆاكتسينانىڭ ەكٸنشٸ كومپونەنتٸن ەگۋ بويىنشا جۇمىس جٷرٸپ جاتىر. 22 اقپان كٷنٸ وبلىسقا قاراعاندىدا شىعارىلعان رەسەيلٸك «سپۋتنيك V» پرەپاراتى جەتكٸزٸلدٸ. بٷگٸنگە دەيٸن 900 ادامعا ۆاكتسينا ەگٸلدٸ. جاقىن كٷندەرٸ بۇل جۇمىستى بٸتٸرەمٸز. ال ناۋرىز ايىنىڭ باسىندا ۆاكتسينانىڭ جاڭا پارتيياسى جەتكٸزٸلەدٸ», - دەدٸ قۇمار كٷسەمٸسوۆ.
سقو-عا بۇل جولى جوسپارعا ساي 2800 دوزا ۆاكتسينا ەكەلٸنبەك.
«بۇعان دەيٸن 1200 ادام كۆي-عا قارسى ۆاكتسينا الدى. ەش اۋىتقۋشىلىقتار بولعان جوق. سول سەبەپتٸ ەكپە سالدىرۋعا تٷسٸنٸستٸكپەن قاراۋعا شاقىرامىن. جالپى بٸزگە ۆاكتسينا قويدىرعىسى كەلٸپ ٶتٸنٸش بٸلدٸرٸپ جاتقان تۇرعىندار كٶپ. ەكٸنشٸ پارتيياسى كەلٸسٸمەن دەرٸگەرلەردەن كەيٸن سۇرانىس بويىنشا دا ەكپە ەگەتٸن بولامىز», - دەيدٸ سقو دەنساۋلىق ساقتاۋ باسقارماسى باسشىسىنىڭ ورىنباسارى قۇمار كٷسەمٸسوۆ.
