Soltústik Qazaqstan oblysynda koronavirýs boiynsha jaǵdai turaqtaldy. Infektsiialyq statsionarlar 20 %-ǵa ǵana tolyq, dep habarlaidy "Ult aqparat".
SQO-da koronavirýsqa qatysty óńirdegi aǵymdaǵy jaǵdai boiynsha brifing ótti. SQO densaýlyq saqtaý basqarmasy basshysynyń orynbasary Qumar Kúsemisovtiń aitýynsha, óńirde jaǵdai turaqtalǵan. Qazir oblystaǵy infektsiialyq statsionarlarda 244 adam em alyp jatyr. Barlyq orynnyń tek 20 %-y ǵana tolyq. «Qazir óńirde vaktsinanyń ekinshi komponentin egý boiynsha jumys júrip jatyr. 22 aqpan kúni oblysqa Qaraǵandyda shyǵarylǵan reseilik «Spýtnik V» preparaty jetkizildi. Búginge deiin 900 adamǵa vaktsina egildi. Jaqyn kúnderi bul jumysty bitiremiz. Al naýryz aiynyń basynda vaktsinanyń jańa partiiasy jetkiziledi», - dedi Qumar Kúsemisov.
SQO-ǵa bul joly josparǵa sai 2800 doza vaktsina ákelinbek.
«Buǵan deiin 1200 adam KVI-ǵa qarsy vaktsina aldy. Esh aýytqýshylyqtar bolǵan joq. Sol sebepti ekpe saldyrýǵa túsinistikpen qaraýǵa shaqyramyn. Jalpy bizge vaktsina qoidyrǵysy kelip ótinish bildirip jatqan turǵyndar kóp. Ekinshi partiiasy kelisimen dárigerlerden keiin suranys boiynsha da ekpe egetin bolamyz», - deidi SQO densaýlyq saqtaý basqarmasy basshysynyń orynbasary Qumar Kúsemisov.
