سولتٷستٸك قازاقستان وبلىسىندا كٶكتەمنٸڭ كەش كەلۋٸنە بايلانىستى دالا جۇمىستارى بٸر اپتا كەش باستالۋى مٷمكٸن, دەپ حابارلايدى "ۇلت اقپارات".
سقو-داعى شارۋاشىلىقتاردىڭ بٸرٸنٸڭ جەتەكشٸسٸ جومارت وماروۆتىڭ ايتۋىنشا, ديقاندار ٷشٸن ەر كٶكتەم ٶز ەرەكشەلٸگٸمەن كەلەدٸ. مەسەلەن بىلتىر 5 سەۋٸردە القاپتاردا قار بولماي, 17 سەۋٸر ىلعال جابۋ جۇمىستارىن باستاپ كەتكەن.
«بىلتىر كٶكتەم ەرتە شىقتى. سەۋٸر ايىنىڭ سوڭىندا اۋا تەمپەراتۋراسى +28 گرادۋسقا دەيٸن كٶتەرٸلدٸ. بيىل كٶكتەم كەش شىعىپ جاتىر. القاپتاردا قار كٶبەسٸ ەلٸ سٶگٸلگەن جوق. قىستا قار توقتاتقان جەرلەردە قاردىڭ بيٸكتٸگٸ ەلٸ كٷنگە 70-80 سم-گە جەتەدٸ», - دەيدٸ «توكۋشي Grain» جشس ديرەكتورى جومارت وماروۆ.
ٶتكەن جازدا قۋاڭشىلىق بولعاندىقتان, تەجٸريبەلٸ ديقان بيىل قاڭتار ايىنىڭ سوڭى مەن اقپان ايىنىڭ باسىندا قار توقتاتۋ جۇمىستارىن جٷرگٸزگەن. اقپان-ناۋرىز بوي قار جاۋىپ, بوران تۇرىپ, جاۋىن-شاشىن جىلداعى نورمادان ارتىعىمەن جاۋدى. جەردٸڭ ىلعال قورىنىڭ جوعارى بولۋى – بۇل بيىلعى كٶكتەمنٸڭ تاعى بٸر ەرەكشەلٸگٸ.
«ىلعالدىڭ مول بولعانى جاقسى, قار كەتٸپ, جەر كەبٸسٸمەن-اق تەحنيكا ىلعال جابۋ جۇمىستارىنا كٸرٸسەدٸ. تراكتور, قاجەتتٸ كەرەك-جاراقتارىمىزدى سايلاپ جاتىرمىز. پاندەمييا سالدارىن تيگٸزبەي قويمادى. قوسالقى بٶلشەكتەر ورتا ەسەپپەن 15-20 %-كە قىمباتتاپ كەتتٸ. كٶكتەمگٸ ەگٸستٸ جٷرگٸزۋگە قاجەت ديزەل وتىنىنا ٷكٸمەت بەكٸتٸلگەن باعانى قويدى. ليترٸ 172 تەڭگە, نارىقتاعى باعادان 15-20 تەڭگەگە ارزان. بۇل دا بولسا كٶمەك», - دەيدٸ جومارت وماروۆ.
شارۋاشىلىقتىڭ 7 مىڭ گا جەرٸ بار. بيداي, ارپا, سۇلى, زىعىر جەنە جاسىمىق ەگەدٸ. بىلتىر قۋاڭشىلىققا قاراماستان جاقسى ٶنٸم الدى.
«تىڭايتقىش الىپ جاتىرمىز. جازدا القاپتاردا ارامشٶپكە قارسى ٸس-شارالار جٷرگٸزٸلەدٸ. جەردٸڭ ىرزىعىن كٶرۋ ٷشٸن جۇمىس ٸستەۋ كەرەك. سوندا عانا نەتيجە بولادى. مەنٸڭ پٸكٸرٸمشە, بيىل كٶكتەمگٸ ەگٸس بٸر اپتاعا كەشەۋٸلدەۋٸ مٷمكٸن. قازٸر بەرٸ اۋا رايىنا بايلانىستى. جالپى بيدايدىڭ شىعۋىنا ٷش جاعداي كەرەك: جىلى توپىراق, ىلعال جەنە كٷن سەۋلەسٸ. ەگەر كٷن كٷرت ىسيتىن بولسا, مەرزٸمٸندە, مامىر ايىنىڭ ورتاسىندا كٶكتەمگٸ ەگٸستٸ باستاۋىمىز مٷمكٸن», - دەيدٸ شارۋاشىلىق ديرەكتورى جومارت وماروۆ.
