سولتٷستٸك قازاقستان وبلىسىندا زامانعا ساي كەلمەيتٸن, يدەولوگييالىق تۇرعىدان ەسكٸرگەن ەلدٸمەكەن جەنە كٶشە اتاۋلارى ٶزگەرتٸلمەك, دەپ حابارلايدى "ۇلت اقپارات".
قازٸر اقجار اۋدانىنداعى 1 اۋىلدىق وكرۋگ پەن 2 ەلدٸ مەكەننٸڭ اتاۋىن ٶزگەرتۋ مەسەلەسٸ اشىق نورماتيۆتٸك-قۇقىقتىق اكتٸلەر ينتەرنەت پورتالىندا حالىق تالقىسىنا تٷسكەن.
«بىلتىر اقجار اۋدانىندا نوۆوسەل اۋىلدىق وكرۋگٸن, كوممۋنيزم جەنە كيەۆسكوە اتالعان ەلدٸمەكەندەردٸڭ اتاۋلارىن ٶزگەرتۋ بويىنشا تۇرعىندارمەن جيىندار ٶتكٸزٸلٸپ, جەرگٸلٸكتٸ حالىق ولاردى قايتا اتاۋ بويىنشا ۇسىنىستى ماقۇلداپ, قۇجات وبلىستىق ونوماستيكالىق كوميسسيياعا جولداندى. بيىل تامىز ايىندا وبلىستىق ونوماستيكالىق كوميسسييا نوۆوسەل اۋىلدىق وكرۋگٸن, كوممۋنيزم جەنە كيەۆسكوە ەلدٸمەكەندەرٸنٸڭ اتاۋىن ٶزگەرتۋدٸ قولدادى.
اقجار اۋدانىنداعى نوۆوسەل اۋىلدىق وكرۋگٸنە ٷلكەن قارا وي وكرۋگٸ دەگەن اتاۋ قويۋ ۇسىنىلىپ وتىر. ال كوممۋنيزم اۋىلىن بايمىرزاعا اۋىستىرۋ جەنە كيەۆسكوە ەلدٸ-مەكەنٸنە كٸشٸ قارا وي اتىن بەرۋدٸ جوسپارلانىپ وتىر», - دەيدٸ سقو ەكٸمدٸگٸنٸڭ مەدەنيەت, ارحيۆتەر جەنە قۇجاتتاما باسقارماسىنىڭ بٶلٸم باسشىسى ەرنيياز سۇلتانوۆ.
ونوماستيكالىق جۇمىستار بۇعان دەيٸن ەلٸمٸزدە ٶتۋٸ تيٸس ۇلتتىق ساناققا بايلانىستى كەيٸنگە شەگەرٸلگەن. ەندٸ ەلدٸمەكەندەردٸ قايتا اتاۋ جۇمىستارى جانداندى.
«يدەولوگييالىق تۇرعىدان ەسكٸرگەن ەلدٸمەكەن, كٶشەلەردٸ قايتا اتاۋ نەمەسە ولارعا رەسپۋبليكاعا تانىمال, قازاق حالقىنا بەلگٸلٸ تۇلعالاردىڭ ەسٸمٸن بەرۋ – بٸزدٸڭ ونوماستيكا باعىتىنداعى جۇمىسىمىز. قازٸرگٸ تاڭدا 15 اۋىلدىق وكرۋگتٸڭ 30-عا تارتا اۋىلى كەڭەستٸك كٶسەم باسشىلارىنىڭ اتىمەن اتالعان. ەلٸ دە وبلىستا لەنين, كيروۆ, يليچ اتىنداعى ەلدٸمەكەندەر كەزدەسەدٸ. يدەولوگييالىق سيپاتقا ساي كەلمەيتٸن وبلىستا 744 كٶشە بار. وسى باعىتتا اۋداندار تاراپىنان جۇمىستار جٷرگٸزٸلٸپ جاتىر», - دەيدٸ ەرنيياز سۇلتانوۆ.
مەسەلەن ەسٸل اۋداندىق ەكٸمدٸگٸ ەلەۋمەتتٸك جەلٸدەگٸ ٶز پاراقشالارىندا قاراشا ايىنىڭ ورتاسىندا ياۆلەنكا ەلدٸمەكەنٸندەگٸ بٸرنەشە كٶشە اتاۋىن ٶزگەرتۋ بويىنشا جيىن ٶتەتٸنٸن حابارلادى. حالىق تالقىسىنا لەنين, ۋريتسكيي, چاپاەۆ, ششورس, وردجونيكيدزە, سوۆەت, فۋرمانوۆ, كيروۆ, فرۋنزە, س.لازو, بۋدەننىي, پرولەتار, س.رازينا, ك.تسەتكين, ۆوروۆسكيي كٶشەلەرٸنٸڭ اتىن اۋىستىرۋ مەسەلەسٸ ۇسىنىلماق.
«رەسپۋبليكا تاراپىنان, پرەزيدەنت ەكٸمشٸلٸگٸمەن كەلٸسٸلٸپ, رەسپۋبليكالىق ونوماستيكالىق كوميسسييادا ماقۇلدانعان 345 ۇلى تۇلعالاردىڭ تٸزٸمٸ بەكٸتٸلدٸ جەنە 380 تاريحي جەر-سۋ اتاۋلار تٸزٸمٸ بەكٸتٸلدٸ. قازٸر يدەولوگييالىق تۇرعىدان ەسكٸرگەن اۋىل, كٶشە, وكرۋگتەردٸڭ اتاۋىن ٶزگەرتەردە وسى تٸزٸمدٸ باسشىلىققا الۋ قاجەت», - دەيدٸ ەرنيياز سۇلتانوۆ.
سوڭعى رەت سقو-دا 2018 جىلى ماعجان جۇماباەۆ اتىنداعى اۋداندا 5 اۋىلدىق وكرۋگ پەن 3 ەلدٸمەكەن جەنە ۋەليحانوۆ اۋدانىندا 1 اۋىلدىڭ اتى اۋىستىرىلدى.
