سولتٷستٸك قازاقستان وبلىسىندا سوت سپيرتتٸك ٸشٸمدٸككە تەۋەلدٸ ەيەلدٸڭ بالالارىن قاسىنا الۋ تۋرالى تالاپ-ارىزىن قاناعاتتاندىرمادى, دەپ حابارلايدى قازاقپارات.
سقو سوتىنىڭ مەلٸمەتٸنشە, ٶتكەن اپتادا وبلىستىق سوتتىڭ ازاماتتىق ٸستەر جٶنٸندەگٸ القاسى 53 ٸس پەن ماتەريالدى قارادى, ياعني بٸر سۋدياعا 9 ٸستەن كەلگەن. ونىڭ ٸشٸندە ەڭبەك, كەلٸسٸمشارتتىق داۋلار, مۇراگەرلٸك قاتىناستارداعى داۋلار, زالالدى ٶتەۋ تۋرالى, مەملەكەتتٸك ساتىپ الۋ سالاسىندا, مەملەكەتتٸك ورگانداردىڭ ٸس-ەرەكەتتەرٸ مەن شەشٸمدەرٸمەن كەلٸسپەۋ, كورپوراتيۆتٸك, ساقتاندىرۋ, سالىق داۋلارى, مەمٸلەلەردٸ جارامسىز دەپ تانۋ تۋرالى داۋلار بار.
سونىڭ بٸرٸ - بالالاردىڭ تۇرعىلىقتى جەرٸن انىقتاۋعا بايلانىستى. 6 جەنە 8 جاستاعى قىزى بار ەيەل بالالارىنىڭ ٶزٸمەن بٸرگە تۇرۋى ٷشٸن سوتقا ارىزدانعان. الايدا سوت ونىڭ تالاپ-ارىزىن قاناعاتتاندىرمادى.
«تالاپكەر «الكوگولدٸ تۇتىنۋدان تۋىنداعان پسيحيكالىق مٸنەز-قۇلىق بۇزىلىستارى. تەۋەلدٸلٸك سيندرومى» دياگنوزى بويىنشا ەسەپتە تۇر. تەۋەلدٸلٸكتەن ارىلۋدىڭ وڭ ديناميكاسى جوق, كەز كەلگەن ۋاقىتتا تاعى دا ٸشٸمدٸككە سالىنۋى مٷمكٸن. ەمدەۋدەن كەيٸن دە ول الكوگولدٸ ٸشۋدٸ جالعاستىردى. بۇل جاعدايدا بالالاردىڭ اناسىمەن بٸرگە تۇرۋى ولاردىڭ مٷددەلەرٸن بۇزادى, اۋىر سالدارعا ەكەلەدٸ جەنە بالالاردىڭ پسيحولوگييالىق جاعدايىنا, ولاردىڭ ادامگەرشٸلٸك تەربيەسٸ مەن دامۋىنا تەرٸس ەسەر ەتەدٸ. سول سەبەپتٸ سوت شەشٸمٸ ٶزگەرٸسسٸز قالدى, انانىڭ شاعىمى قاناعاتتاندىرىلمادى», - دەلٸنگەن حابارلامادا.
سوت القاسى تالاپكەر الكوگولگە تەۋەلدٸلٸكتەن تولىق ارىلعان جەنە ەسەپتەن شىعارىلعان جاعدايدا عانا بالالاردىڭ تۇرعىلىقتى جەرٸ مەسەلەسٸن جاۋاپكەرمەن, ياعني ەكەسٸمەن بٸرلەسٸپ شەشۋگە قۇقىلى ەكەنٸن تٷسٸندٸردٸ. ال كەلٸسپەۋشٸلٸكتەر تۋىنداعان جاعدايدا قايتادان سوتقا جٷگٸنە الادى.
