سولتٷستٸك قازاقستان وبلىسىندا ەلٸكتەردٸڭ ٶلۋٸنە قاتىستى ەلەۋمەتتٸك جەلٸدە تاراعان بەينەجازبالارعا قاتىستى ورمان شارۋاشىلىعى جەنە جانۋارلار ەلەمٸ اۋماقتىق ينسپەكتسيياسىنىڭ ٶكٸلدەرٸ تٷسٸنٸك بەردٸ, دەپ حابارلايدى "ۇلت اقپارات".
بٸرەر كٷننەن بەرٸ ەلەۋمەتتٸك جەلٸدە ورماندا, جول جيەگٸندە ٶلٸپ جاتقان ەلٸكتەردٸڭ بەينەجازباسى تاراپ جاتىر. اۆتورلارىنىڭ ايتۋىنشا, جابايى جانۋارلار بيىل قاردىڭ قالىڭ تٷسۋٸنەن وتتاي الماي, جاپپاي قىرىلىپ جاتقان كٶرٸنەدٸ.
وسى جاعدايعا قاتىستى سقو ورمان شارۋاشىلىعى جەنە جانۋارلار ەلەمٸ اۋماقتىق ينسپەكتسيياسىنىڭ بٶلٸم باستىعى ولەگ بەسپالوۆ تٷسٸنٸك بەردٸ. ماماننىڭ ايتۋىنشا, جاپپاي قىرىلىپ جاتىر دەۋ – اسىرا ايتقاندىق.
«ەلەۋمەتتٸك جەلٸدە تاراعان بەينەجازبالاردان كەيٸن قازٸر كٶپتەگەن اقپارات قۇرالدارىندا سقو-دا ەلٸكتەر جاپپاي قىرىلىپ جاتىر دەپ بەرٸلٸپ جاتىر. بۇل دۇرىس ەمەس. ەلٸكتەردٸڭ ٶلگەنٸ راس. ول تۋرالى بٸلەمٸز. ەر فاكتٸ بويىنشا جۇمىس ٸستەپ جاتىرمىز. جالپى وبلىس اۋماعىندا اقپان-ناۋرىز ايلارىندا ون شاقتى ەلٸك قىرىلدى. ولاردىڭ ٶلۋ سەبەپتەرٸ ەرتٷرلٸ. كەيبٸرٸ ازىق ٸزدەپ جولعا شىعىپ, كٶلٸك استىنا تٷسٸپ ٶلەدٸ. قاڭعىعان يتتەرگە جەم بولادى», - دەيدٸ ولەگ بەسپالوۆ.
ەلٸك ٶڭٸردٸڭ بٷكٸل اۋماعىندا كەزدەسەدٸ, كەڭ تارالعان جابايى اڭ. بىلتىرعى ساناق بويىنشا قازٸر وبلىستا سانى 18 مىڭنان اسادى.
«ەلٸك جابايى ورتادا ٶمٸر سٷرەتٸندٸكتەن ەركٸن جايىلادى. جولعا شىعىپ كەتۋٸ قالىپتى جاعداي.
كەشە عانا اۋداندارعا شىقتىم. كەي جەرلەردە قار كەتٸپ قالعان. ەلٸكتەرگە جايىلۋعا مٷمكٸندٸك بار. سول سەبەپتٸ اشتان ٶلەدٸ, جاپپاي قىرىلادى دەۋ دۇرىس ەمەس», - دەيدٸ سقو ورمان شارۋاشىلىعى جەنە جانۋارلار ەلەمٸ اۋماقتىق ينسپەكتسيياسىنىڭ بٶلٸم باستىعى.
