سولتٷستٸك قازاقستان وبلىسىندا ازىق-تٷلٸك ارتىلعان جٷك كٶلٸگٸ قولايسىز اۋا رايىنان جول جيەگٸنە شىعىپ كەتٸپ, اۋدارىلدى, دەپ حابارلايدى "ۇلت اقپارات".
سقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, «Foton» جٷك كٶلٸگٸ شال اقىن اۋدانى سەرگەەۆكا قالاسىنداعى دٷكەندەرگە ازىق-تٷلٸك اپارا
جاتقان. جٷرگٸزۋشٸ قالىڭ جاۋعان قاردان جولدى بايقاي الماي, جيەككە شىعىپ كەتكەن. جٷك كٶلٸگٸ بٸر جاعىنا اۋدارىلدى. كٶلٸكتە ەكسپەديتور مەن ساۋدا ٶكٸلٸ بولعان. ەشكٸم زارداپ شەككەن جوق.
پاترۋلدٸك پوليتسييا ەكيپاجى اۋدارىلعان جٷك كٶلٸگٸن شىعارىپ الۋ ٷشٸن جەرگٸلٸكتٸ «ستيمۋل» جشس كٶمەككە جٷگٸنگەن. جشس باسشىسى بولسا, بۇل جولى دا قار تازالايتىن تەحنيكانى, جٷك تيەگٸشتٸ جەنە تارتقىشتى جٸبەرگەن.
«Foton»-دى جول جيەگٸنەن شىعارۋ ٷشٸن ونى الدىمەن جٷكتەن بوساتۋعا تۋرا كەلدٸ. جٷك كٶلٸگٸنٸڭ جٷرگٸزۋشٸسٸ العىسىن بٸلدٸرٸپ, جولىن جالعادى.
ال تايىنشا اۋدانىندا پوليتسەيلەر كٶكشەتاۋدان تٷمەنگە بارا جاتىپ, جول جيەگٸنە شىعىپ كەتكەن «DAF» اۋىر جٷك كٶلٸگٸن شىعارۋعا كٶمەكتەستٸ.
«پاترۋلدٸك پوليتسييانىڭ نەگٸزگٸ مٸندەتٸ – جولدا قالعان جٷرگٸزۋشٸلەرگە كٶمەكتەسۋ. ٶڭٸردٸڭ اۋا رايى قۇبىلمالى. سول سەبەپتٸ جولدا اسا ساق بولۋعا, جول قوزعالىسى ەرەجەلەرٸن قاتاڭ ساقتاۋعا شاقىرامىز. جولداردىڭ جابىلعانى جەنە اۋا رايىنىڭ قولايسىزدىعى تۋرالى ەسكەرتپەلەرگە بەيجاي قاراماۋ قاجەت», - دەيدٸ سقو پوليتسييا دەپارتامەنتٸ پاترۋلدٸك پوليتسييا باتالونىنىڭ كومانديرٸ ەرلان مەديەۆ.
ال 10 ناۋرىز كٷنٸ «چەليابٸ-نوۆوسٸبٸر» جولىنىڭ 601 شاقىرىمىندا جەدەل جەردەم كٶلٸگٸ توقتاپ قالعان. م.جۇماباەۆ اۋدانى پيسارەۆسكيي اۋىلدىق وكرۋگٸنٸڭ فەلدشەرٸ مەن كٶلٸك جٷرگٸزۋشٸسٸ ناۋقاستى پەتروپاۆلعا جەتكٸزٸپ, قايتىپ كەلە جاتقان كەزدە كٶلٸكتٸڭ باللونىنداعى گاز تاۋسىلعان ەرٸ بەنزين قۇرىلعىسى ٸستەن شىعىپ, قوسىلماي قالعان. جولدا قالعان ولارعا پاترۋلدٸ پوليتسەيلەر كٶمەككە كەلدٸ. جەدەل جەردەمدٸ تٸركەپ الىپ, 18 كم جەردە ورنالاسقان گاز قۇياتىن بەكەتكە سٷيرەپ اپاردى.
