سولتٷستٸك قازاقستان وبلىسىندا پوليتسەيلەر Artemia salina شايانىن زاڭسىز اۋلاپ, 5 قابىن ارتىپ ەكەتپەك بولعانداردى ۇستادى, دەپ حابارلايدى قازاقپارات.
سقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, وبلىستىڭ جەدەل ۋەكٸلدەرٸ مەن تابيعاتتى قورعاۋ پوليتسەيلەرٸ مامليۋت اۋدانىنداعى مەڭگەسەر كٶلٸنٸڭ جاعاسىندا Artemia salina-نى اۋلاعان براكونەرلەردٸ كٶرەدٸ. وقيعا ورنىنا كەلگەن اۋداندىق پوليتسييا بٶلٸمٸنٸڭ جەدەل-تەرگەۋ توبى ٷش ەر ادامدا اۋلاۋعا رۇقسات قاعازىنىڭ جوعىن انىقتادى. قىزىل شايان فارماتسەۆتيكا مەن كوسمەتيكا ٶندٸرٸسٸندە قولدانىلادى. اسا قۇندى شيكٸزات بولىپ ەسەپتەلەدٸ.
ەكولوگييالىق قىلمىسقا كٷدٸكتٸلەردٸڭ بٸرٸ - 37 جاستاعى تايىنشا اۋدانىنىڭ تۇرعىنى, سونداي-اق الماتى جەنە شىعىس قازاقستان وبلىستارىنىڭ 31 جاستاعى تۇرعىندارى ۇستالدى. اتالعان فاكتٸ قر قىلمىستىق كودەكسٸنٸڭ 335-بابى «بالىق رەسۋرستارىن, باسقا دا سۋ جانۋارلارىن نەمەسە ٶسٸمدٸكتەرٸن زاڭسىز الۋ» بويىنشا سوتقا دەيٸنگٸ تەرگەپ-تەكسەرۋلەردٸڭ بٸرىڭعاي تٸزٸلٸمٸنە ەنگٸزٸلدٸ. «ۆاز-21140» اۆتوكٶلٸگٸ, اۋلاۋعا ارنالعان قۇرالدار مەن 5 قاپ بيولوگييالىق زات تەركٸلەندٸ.
«ٷلگٸلەر سوت-ساراپتامالىق زەرتتەۋگە جٸبەرٸلدٸ. ونىڭ نەتيجەسٸ بويىنشا وبلىس تابيعاتىنا كەلتٸرٸلگەن شىعىننىڭ سوماسى بەلگٸلەنەدٸ. اۋدان اۋماعىندا ەرەكشە قورعالاتىن تابيعي ايماق - مامليۋت قورىعى ورنالاسقان. بيورەسۋرستاردى قورعاۋعا دا ەرەكشە كٶڭٸل بٶلٸنەدٸ. ەكولوگييالىق قىلمىستاردىڭ الدىن الۋ بويىنشا جۇمىس جٷرگٸزٸلەدٸ», - دەيدٸ اۋداندىق پوليتسييا بٶلٸمٸنٸڭ باستىعى پيوتر كليموۆ.
