سولتٷستٸك قازاقستان وبلىسىندا بيىل 311 ٸرٸ قارا مال برۋتسەللەزبەن اۋىردى, قازٸر ولاردىڭ يەلەرٸ ٶتەماقى الۋعا قۇجاتتارىن تاپسىرىپ جاتىر, دەپ حابارلايدى قازاقپارات.
سقو ۆەتەرينارييا باسقارماسىنىڭ مەلٸمەتٸنشە, ەسٸل اۋدانىندا ناۋرىز ايىنان باستاپ 124 ٸرٸ قارا مال اۋىرسا, قىزىلجار اۋداندارىندا برۋتسەللەز اۋرۋىنىڭ 101 جاعدايى تٸركەلگەن.
«برۋتسەللەز انىقتالعان جاعدايدا مال يەسٸ زاڭ بويىنشا 15 كٷن ٸشٸندە تٷلٸكتٸ تٶلٸمەن بٸرگە مٸندەتتٸ تٷردە سانيتارلىق سويۋعا تاپسىرۋى تيٸس. سەبەبٸ ولار ينفەكتسييا تاراتۋشى بولىپ تابىلادى, باسقا جانۋارلارعا جۇقتىرۋى مٷمكٸن. ۆەتەرينارلىق قىزمەت جانۋارلاردى ەت كومبيناتىنا دەيٸن تەگٸن جەتكٸزەدٸ. كەسٸپورىن اۋرۋ مالدى جاسىنا جەنە جىنىسىنا قاراي ساتىپ الادى», - دەيدٸ ۆەتەرينارلىق قىزمەت ماماندارى.
ەگەر مالدىڭ ەتٸ مەن ٸشكٸ مٷشەلەرٸندە اۋرۋعا بايلانىستى پاتولوگييالىق ٶزگەرٸستەر بولسا, مال يەلەرٸنە ورتاشا نارىق باعاسىنىڭ 30 %-ى ٶتەلەدٸ.
ەت تازا بولعان جاعدايدا ون ەكٸ ساعاتتان كەيٸن ول شەكتەۋسٸز ساتۋعا جٸبەرٸلەدٸ.
«ٶتەماقى زاڭ بويىنشا بەلگٸلەنگەن قۇجاتتاردىڭ تولىق پاكەتٸ بولعان جاعدايدا عانا جاسالادى. قازٸرگٸ ۋاقىتتا 25 ٸرٸ قارا مالعا بايلانىستى 4 ادامنان قۇجاتتار قابىلداندى. جالپى سوماسى 2,1 ملن تەڭگە. ٶتەماقى تەك قازان ايىنان باستاپ قانا تٶلەنە باستايدى», - دەيدٸ ۆەتەرينارلار.
مامانداردىڭ ايتۋىنشا, بيىل برۋتسەللەزبەن اۋىرعان مال سانى 117 باسقا ازايعان.
