سولتٷستٸك قازاقستان وبلىسى بەسكٶل اۋىلىندا تۇرعىن ٷيدٸڭ شارۋاشىلىق نىساندارى ٶرتەنٸپ, ٶرت سٶندٸرۋشٸلەر كەلگەنشە ەكٸ گاز باللونى جارىلدى, دەپ حابارلايدى قازاقپارات.
سقو تٶتەنشە جاعدايلار دەپارتامەنتٸنٸڭ مەلٸمەتٸنشە, بٷگٸن ساعات 9.26 مينۋت كەتكەندە 101 پۋلتٸنە بەسكٶل اۋىلىنداعى لەسنايا-لۋگوۆايا كٶشەسٸندە ٶرت شىققاندىعى جٶنٸندە حابار تٷستٸ. وقيعا ورنىنا №12 ٶرت سٶندٸرۋ بٶلٸمشەسٸنٸڭ ەكٸ تەحنيكاسى جٸبەرٸلدٸ. ماماندار كەلگەن ۋاقىتتا ٷيدٸڭ قاسىنداعى ۋاقىتشا نىسان, گاراجى مەن مونشاسى وتقا ورانىپ ٷلگەرٸپ, مۇنداعى ەكٸ گاز باللونى جارىلعان. ولاردىڭ بارلىعى بٸر شاتىر استىندا بولعان. وسىلايشا 240 شارشى مەتر جانىپ كەتتٸ. ٶرتتٸڭ شىعۋ سەبەپتەرٸ انىقتالىپ جاتىر.
تاعى بٸر ٶرت كەشە پەتروپاۆلدا بولدى. ٷيلەر تىعىز ورنالاسقاندىقتان وقيعا ورنىنا بٸردەن ٷش ٶرت سٶندٸرۋ بٶلٸمدەرٸنٸڭ ماماندارى جۇمىلدىرىلدى.
«ساعات 12.08 مينۋت كەتكەندە 101 پۋلتٸنە م.ەۋەزوۆ كٶشەسٸ, 82 ٷيدە ٶرت شىققاندىعى جٶنٸندە حابار تٷستٸ. جالىن جايىلماۋى ٷشٸن ٶرتكە ەكٸنشٸ دەڭگەي بەرٸلدٸ. ٶرت سٶندٸرۋشٸلەر 5 مينۋتتىڭ ٸشٸندە جەتتٸ, ولار كەلگەن كەزدە ەكٸ قاباتتى ٷيدٸڭ شاتىرى جەنە ٷيدٸڭ كٸرە بەرٸسٸ وتقا ورانىپ ٷلگەرگەن ەكەن. جالىن 96 شارشى مەتر اۋماققا جايىلدى. الدىن الا بولجام بويىنشا, ٶرت پەشتٸ دۇرىس قولدانباۋدان شىققان. زارداپ شەككەندەر جوق, ٶرت ساعات 13.22 مينۋت كەتكەندە تولىق سٶندٸرٸلدٸ», - دەيدٸ سقو تٶتەنشە جاعدايلار دەپارتامەنتٸ باستىعىنىڭ ورىنباسارى ورال ەبدٸراحمانوۆ.
جالپى, جىل باسىنان وبلىستا 600-گە جۋىق ٶرت تٸركەلٸپ, وتتا 41 ادام قازا تاپتى, 37 ادام تٷرلٸ دەنە جاراقاتىن الدى. تاعى 6 ادام ۋلى گازدان ۋلانىپ كٶز جۇمسا, 15 ادام جاراقاتتاندى. ٶرتتەن كەلگەن ماتەريالدىق زالال – 229 ملن تەڭگە شاماسىندا.
