ٷكٸمەتتٸڭ كەڭەيتٸلگەن وتىرىسىنان كەيٸن پرەمەر-مينيستردٸڭ بٸرٸنشٸ ورىنباسارى رومان سكليار ەكٸباستۇز جىلۋ جٷيەسٸندەگٸ اپاتتىڭ سەبەبٸ جٶنٸندە پٸكٸر بٸلدٸردٸ, دەپ حابارلايدى قازاقپارات.
«شىنىمەن دە, بۇل - اسا ٸرٸ كوممۋنالدىق اپات. ەكٸباستۇزدىڭ تاريحىندا بولىپ كٶرمەگەن شىعار. بۇل اپاتقا نە تٷرتكٸ بولدى دەگەن سۇراق قويىلىپ وتىر. ستانساداعى وپەراتسييالىق پەرسونالدىڭ قاتەلٸگٸ بار ەكەنٸ تٷسٸنٸكتٸ. جەلٸدەگٸ قىسىمدى كەنەت كٶتەرٸپ جٸبەرگەن. ودان ارعى جەردە بەرٸنٸڭ, ونىڭ ٸشٸندە مەنشٸك يەسٸنٸڭ دە جاۋاپكەرشٸلٸگٸ بار. نەگە ولار وسىعان جول بەردٸ? ستانسا وپەراتورى مونومەتردەگٸ كٶرسەتكٸشكە قاراپ قىسىمدى ارتتىرعان. ال مونومەتر بۇل كەزدە قاتىپ قالعان. ٶيتكەنٸ تەرەزە سىنىق بولعان. سودان سۋىق كٸرگەن, مونومەتر كەدٸمگٸدەي قاتىپ قالعان», - دەدٸ رومان سكليار.
ۆيتسە-پرەمەردٸڭ ايتۋىنا قاراعاندا, مۇنىڭ ٶزٸ جىلۋ-ەلەكتر ورتالىعىنا يەلٸك ەتٸپ وتىرعان كومپانييانىڭ جاۋاپكەرشٸلٸگٸ قانداي دەڭگەيدە بولعانىن كٶرسەتەدٸ.
«نەگە ولاي بولدى? ٶيتكەنٸ كومپانييا قاراپايىم دٷنيەلەرگە قاراجاتتى جەتكٸلٸكتٸ مٶلشەردە بٶلمەگەن شىعار. مامانداردى جەتكٸلٸكتٸ دەڭگەيدە وقىتپاعان. سوندىقتان شارتتى تٷردە ٶشٸرگٸش تەتٸكتٸ بۇراعان ادام دەپ الساق, سول عانا جاۋاپ بەرەدٸ دەۋ – قاتە. قۇقىق قورعاۋ ورگاندارى كٸنەلٸلەردٸ تاۋىپ, قاتاڭ جاۋاپقا تارتادى. سوندىقتان بۇل مەسەلەدە شاتاسۋدىڭ قاجەتٸ جوق», - دەدٸ ٷكٸمەت باسشىسىنىڭ ورىنباسارى.
