نۇر-سۇلتاننىڭ ەسٸل اۋداندىق سوتىندا مەملەكەتتٸك اۋرۋحانالارعا دەرٸ-دەرمەك جەتكٸزەتٸن بٸرىڭعاي ديستريبيۋتور «سق-فارماتسييا» كومپانيياسىنىڭ بۇرىنعى باسشىسى بەرٸك شەرٸپتٸڭ ٷستٸنەن قوزعالعان ٸس بويىنشا ەكٸنشٸ سوت وتىرىسى اياقتالدى, دەپ حابارلايدى Azattyq Rýhy تٸلشٸسٸ.
ەكٸنشٸ سوت وتىرىسىندا ايىپتالۋشىنىڭ ادۆوكاتتارى سوتقا باس كۋەگەر رەتٸندە جەبٸرلەنۋشٸ تاراپتان قازاقستاننىڭ دەنساۋلىق ساقتاۋ مينيسترٸ الەكسەي تسويدى شاقىرۋعا ٶتٸنٸشحات بەردٸ. سەبەبٸ جەبٸرلەنۋشٸ تاراپتىڭ ادۆوكاتى سەرجان باۋىرجانۇلى سۋديا مەن ادۆوكاتتار تاراپىنان قويىلعان بٸرنەشە سۇراققا تولىققاندى جاۋاپ بەرە المادى.
ٶتكەن سوت وتىرىسىندا پروكۋرور داستان كٷپەرباەۆ «سق-فارماتسييا» ەكس-باسشىسىنىڭ زاڭسىز ەرەكەتتەرٸ سالدارىنان قازاقستاننىڭ ەكٸ مىڭنان استام دەرٸگەرٸ كوروناۆيرۋستى جۇقتىردى دەپ مەلٸمدەگەن بولاتىن. بٸراق بٷگٸنگٸ سوت وتىرىسىنا پروكۋرور دەنساۋلىق جاعدايىنا بايلانىستى قاتىسپادى.
«قپك 99 رەتٸ بويىنشا سوتتان الەكسەي ۆلاديميروۆيچ تسويدى كۋەگەر رەتٸندە شاقىرۋدى سۇرايمىن. ٶتٸنٸشحات نەمەن بايلانىستى دەسەڭٸز, جەبٸرلەنۋشٸ تاراپتىڭ ٶكٸلٸ قويىلعان جٷز سۇراقتىڭ جارتىسىنا جاۋاپ بەرە المادى. ول كٶپ نەرسەدەن حابارى جوق ەكەنٸن ايتادى. بٸز جان-جاقتى زەرتتەۋ بارىسىندا بارلىق تاعىلعان ايىپتارعا كٶز جەتكٸزۋ كەرەكپٸز», - دەدٸ بەرٸك شەرٸپتٸڭ تٶرت قورعاۋشىسىنىڭ بٸرٸ ەرلان مەكەنوۆ.
سۋديا قانات بيسەمباەۆ جەبٸرلەنۋشٸ تاراپتىڭ ادۆوكاتى كەلەسٸ سوت وتىرىسىندا دا سۇراقتارعا قاناعاتتانارلىقتاي جاۋاپ بەرمەيتٸن بولسا, دەنساۋلىق ساقتاۋ مينيسترلٸگٸنەن جاۋاپتى ماماندى الدىراتىنىن ايتتى.
«مەن جەبٸرلەنۋشٸ تاراپتىڭ ٶكٸلٸنە قويعان سۇراقتارىما دايىندالۋدى تاپسىردىم. قاجەت بولسا, ورالوۆ, سٸز مينيسترلٸكتٸڭ قۇرىلىمدىق بٶلٸمشەلەرٸنٸڭ باسشىلارىنان جاۋاپ الۋعا ٶتٸنٸشحات بەرە الاسىز, سوسىن بٸز ولاردى سوتقا شاقىرا الامىز. ەگەر سوت تيٸستٸ جاۋاپ الا الماي, مينيستردٸ شاقىرۋ قاجەت دەپ تاپسا وندا مەن ادۆوكاتتىڭ ٶتٸنٸشحاتىنا ورالامىن. ونىڭ ٷستٸنە كۋەگەرلەر تٸزٸمٸندە ەكس-مينيستر بٸرتانوۆ بار. بٸز بۇل سۇراقتاردى وعان دا قويامىز»,- دەدٸ سۋديا.
