بٸرىڭعاي ديستريبيۋتور «سك-فارماتسييا» كومپانيياسى نومەنكلاتۋراسىنىڭ 50 پايىزى وتاندىق پرەپاراتتار مەن مەديتسينالىق بۇيىمداردان تۇرادى, دەپ حابارلايدى «ۇلت اقپارات».
بۇل تۋرالى ورتالىق كوممۋنيكاتسييالار قىزمەتٸندەگٸ برفينگ بارىسىندا قر دەنساۋلىق ساقتاۋ ۆيتسە-مينيسترٸ ليۋدميلا بيۋرابەكوۆا ايتتى.
ۆيتسە-مينيستردٸڭ ايتۋىنشا, قازاقستاننىڭ فارماتسەۆتيكالىق نارىعى يمپورتقا تەۋەلدٸ. بۇل نارىقتاعى وتاندىق ٶندٸرۋشٸلەردٸڭ ٷلەسٸ نەبەرٸ 13 پايىزدى عانا قۇراپ وتىر. دەگەنمەن, وتاندىق مەديتسينالىق پرەپاراتتار ٶندٸرۋشٸلەردٸ قولداۋ ماقساتىندا قۇرىلعان بٸرىڭعاي ديستريبيۋتور «سك-فارماتسييا» كومپانيياسى ولارمەن 10 جىلعا ۇزاقمەرزٸمدٸ كەلٸسٸمشارت جاساسقان. نەتيجەسٸندە وتاندىق ٶندٸرۋشٸلەردەن پرەپاراتتار مەن مەديتسينالىق بۇيىمداردى ساتىپ الۋ كٶلەمٸ بٸرنەشە ەسەگە ارتتى.
«بٷگٸنگٸ تاڭدا بٸرىڭعاي ديستريبيۋتور نومەنكلاتۋراسىنىڭ 50 پايىزى وتاندىق دەرٸ-دەرمەكتەر مەن مەديتسينالىق بۇيىمداردان تۇرادى», - دەدٸ ليۋدميلا بيۋرابەكوۆا.
