ەلوردا ساقشىلارى كٶپبالالى انالاردى الداۋمەن اينالىسىپ كەلگەن توپتىڭ ٷستٸنەن تەرگەۋ باستادى, دەپ حابارلايدى "ۇلت اقپارات".
نۇر-سۇلتان قالاسى پوليتسييا دەپارتامەنتٸ باسپاسٶز قىزمەتٸنٸڭ حابارلاۋىنشا, كٶپبالالى انالاردى ەلەۋمەتتٸك تٶلەم تۋرالى جالعان حابارمەن الداپ كەلگەن شىمكەنت قالاسىنىڭ ەكٸ تۇرعىنىن ۇستالعان.
24 جاستاعى جٸگٸت پەن قىز ەلوردا تۇرعىندارىنا قوڭىراۋ شالىپ, ٶزدەرٸن حالىققا قىزمەت كٶرسەتۋ ورتالىعىنىڭ ەلەۋمەتتٸك تٶلەمدەر بٶلٸمٸنٸڭ قىزمەتكەرٸ رەتٸندە تانىستىرىپ وتىرعان. سەنٸمگە كٸرگەننەن كەيٸن ولار مەملەكەت كٶپبالالى انالارعا ەلەۋمەتتٸك تٶلەم جاساپ جاتقانىن ايتىپ قۋانتقان. ول ٷشٸن كٶپبالالى انا «ەلەۋمەتتٸك تٶلەمنٸڭ 10% مٶلشەرٸندە ايىپپۇل بەرەشەگٸن تٶلەۋٸ قاجەت» بولعان.
الدانعان انالار ورتا جولدا اينىپ كەتپەس ٷشٸن كٷدٸكتٸلەر ايىپپۇلد تٶلەۋ ٷشٸن جەكە سوت ورىنداۋشىلارى پالاتاسىنىڭ قىزمەتكەرٸنە حابارلاسۋ كەرەكتٸگٸن ايتىپ, جالعان نٶمٸرلەر ۇسىنعان. اقشا اۋدارىلاتىن شوت سول نٶمٸر ارقىلى بەرٸلگەن. وپىق جەگەن انالار اقشا اۋدارعاننان كەيٸن كٷدٸكتٸلەر نٶمٸرلەرٸن اۋىستىرىپ وتىرعان.
«الاياقتاردىڭ سحەماسىنا ەلوردالىق كٶپبالالى ەكٸ انا ۇرىنىپ, جالعان شوتتارعا 40 مىڭ تەڭگەدەن اقشا اۋدارعان. قازٸر كٷدٸكتٸلەردٸڭ ٷستٸنەن قىلمىستىق كودەكستٸڭ 190-بابى (الاياقتىق) بويىنشا تەرگەۋ باستالدى. ايىپ دەلەلدەنسە, ولار 4 جىلعا دەيٸن باس بوستاندىعىنان ايىرىلۋى مٷمكٸن», - دەپ جازىلعان دەپارتامەنتتٸڭ دەرەگٸندە.
پوليتسييا قازٸر قوماقتى ەلەۋمەتتٸك كٶمەك تٷسكەنٸ تۋرالى الدامشى اقپاراتتار كٶبەيگەنٸن, سونىڭ دەنٸ الاياقتىق سحەمالار جاساۋ ٷشٸن تاراتىلاتىنىن ەسكەرتەدٸ.
«ەدەتتە ٶزٸن حالىققا قىزمەت كٶرسەتۋ ورتالىعىنىڭ قىزمەتكەرٸ رەتٸندە تانىستىراتىن قاسكٷنەمدەردٸڭ الداۋىنا تٷسەتٸندەر كٶپ.
مۇنداي الاياقتىقتىڭ كەيبٸر بەلگٸلەرٸ:
- قالىپتى ابونەنتتٸك نٶمٸردەن قوڭىراۋ شالۋ;
- تٶلقۇجات دەرەكتەرٸن سۇراۋ;
- تٷسٸنٸكسٸز ايىپپۇلدار بويىنشا بەرەشەك بار ەكەنٸن ايتىپ بوپسالاۋ;
- بٶگدە نٶمٸردەن SMS كودىن جٸبەرۋ, (1414 ەمەس);
- اقشا اۋدارۋ قاجەت شوتتاردى ۇسىنۋ», - دەلٸنگەن پوليتسييا مەلٸمەتٸندە.
نۇر-سۇلتان قالاسى پوليتسييا دەپارتامەنتٸ وسىنداي ەرەكەتتەردٸڭ قۇربانى بولماۋ ٷشٸن مىناداي قاراپايىم ساقتىق شارالارىن ۇستانۋدى ۇسىنادى:
- حقكو قىزمەتكەرٸنٸڭ اتى-جٶنٸن, فيليالدىڭ مەكەنجايىن بٸلٸپ, حقكو-نىڭ رەسمي نٶمٸرٸنەن قوڭىراۋ شالۋدى سۇراڭىز;
- ەگەر بەيتانىس ادام سٸزدٸڭ جەكە كۋەلٸگٸڭٸزدٸڭ سۋرەتٸن جٸبەرٸپ, تٷپنۇسقانى كٶرسەتۋدٸ سۇراسا, سەنۋگە اسىقپاڭىز. حقكو قىزمەتكەرلەرٸ كليەنتتەرگە ەشقاشان قوڭىراۋ شالمايدى, بارىنشا جاقىن ورنالاسقان حقكو بٶلٸمٸنە جٷگٸنۋدٸ سۇرايدى;
- جەكە سوت ورىنداۋشىسىنىڭ اتى-جٶنٸن بٸلٸپ, ونى رەسمي سايتتان تابۋعا بولاتىن تٸزٸمنەن تەكسەرٸڭٸز.
