"سيريياعا كەتۋدٸ ارمانداعان" جٸگٸت ەيەلٸن قان-جوسا قىلىپ پىشاقتاپ, ٶلتٸرٸپ كەتتٸ (ۆيدەو)

الماتى وبلىسىندا 33 جاستاعى باقتىباي پولاتباي ەسٸمدٸ ازامات اجىراسقان ەيەلٸن قان-جوسا قىلىپ پىشاقتاپ, ٶلتٸرٸپ كەتتٸ. قاندى وقيعا تالعار اۋدانىنا قاراستى دەۋلەت اۋىلىندا بولعان. سۋىق قارۋ ۇستاپ, تاپا-تال تٷستە بەيقام وتباسىنىڭ ويرانىن شىعارعان "كٷيەۋ بالا" ەۋ باستان سيريياعا كەتۋدٸ ماقسات ەتكەن كٶرٸنەدٸ. ٷش كٷن بويى ٸز كەسكەن پوليتسەيلەر كٷدٸكتٸنٸ ەزٸرگە تاپقان جوق. ال جاۋىزدىقتىڭ قۇربانى بولعان ارايلىم دٷيسەكوۆانىڭ دەنەسٸن تۋىستارى بٷگٸن جەر قوينىنا تاپسىردى.   

دٷيسەكوۆتەر وتباسى ورنى تولماس قازادان كەيٸن قايعىدان قان جۇتىپ, ەسەڭگٸرەپ وتىر. اۋىر كٷرسٸنٸپ, تٸلگە ەرەڭ كەلگەن اناسى قىزىنىڭ سوڭعى التى جىلى قورلىق-زورلىقپەن ٶتتٸ دەيدٸ. كٷيەۋٸ قانشا ۇرىپ سوقسا دا, ەكٸ بالامدى جەتٸم قالدىرمايىن دەپ شىداپ كەلگەن. اناسىنىڭ ايتۋىنشا, كٷيەۋ بالاسى ارايلىمدى "سەنٸ قۇرباندىققا شالىپ, سيريياعا كەتەمٸن" دەپ قورقىتقان.  

ەليما احمەتوۆا, مارقۇمنىڭ اناسى:
- ىلعي جامان كينولاردى كٶرەتٸن. سوسىن ارايلىمدى ٶلتٸرٸپ, سيريياعا كەتەمٸن دەپ ارمانداپ جٷرگەن. مەنٸ ەشكٸم تاپپايدى, قايتىپ كەلٸپ قىرامىن دەدٸ. قىزىما ەرتەڭ حيدجاب كيگٸزٸپ قويامىن, سەنٸ قۇرباندىققا شالام دەپ ارماندايتىن. ارمانىنا جەتتٸ.   تۋىستارى باقتىباي پولاتباي قاساقانا ەرەكەتتٸ جٷزەگە اسۋرى ٷشٸن جوسپارلى تٷردە, دايىندالدى دەيدٸ. ول جەكسەنبٸ كٷنٸ تٷس كەزٸندە بەيقام وتىرعان ٷيگە ساۋ ەتٸپ جەتٸپ كەلگەن.  

ماناس قايىرتايۇلى, تٸلشٸ: 
-  ەسٸك قاققاندا الدىمەن ٷيدەن شىققان ارايلىمنىڭ ەكەسٸنە 2-3 رەت پىشاق نۇقىپ, كٶزٸنە گاز باللونىن شاشىپ جٸبەرەدٸ. ول كٸسٸ كٶزٸن اشا الماي وتىرىپ قالعاندا, وسى جەرگە جٷگٸرٸپ كەلٸپ, مىنا تەرەزەنٸ كٷلدٸر ەتكٸزٸپ شاعادى.  - سودان كەيٸن وسى تەرەزە ارقىلى باقتىباي ٸشكە كٸرگەن. ٶزٸنٸڭ كٸشكەنتاي قىزىن تەرەزەدەن شىعارىپ, قاشپاق بولعان ارايلىمنىڭ شاشىنان ۇستاپ قالىپ, بٸرنەشە رەت پىشاق سۇققان.   

ەليما احمەتوۆا, مارقۇمنىڭ اناسى: 
- قاشقان كەزدە ارتىنان بارىپ پىشاقتاپ تاستادى. بٸرازدان كەيٸن مەنٸ ٶلتٸرەم دەپ ەدٸ, سٸڭٸلٸم ٶلتٸرمەشٸ, اقىلىڭ بار عوي دەپ الدادى.  

4 ليترگە جۋىق قان جوعالتقان 31 جاستاعى كەلٸنشەك ٶتەگەن باتىر كەنتٸندەگٸ اۋرۋحاناعا جەتپەي جول ٷستٸندە جان تاپسىرادى. بۇعان دەيٸن وتباسى بٸرنەشە رەت پوليتسيياعا شاعىمدانعان. بٸراق الماتىدا ارنايى جاساقتا قىزمەت ەتەتٸن اعاسى كٶمەكتەسٸپ, بوساتىپ جٸبەرەدٸ دەيدٸ. مارقۇمنىڭ ەت جاقىندارى قاسكٶي "كٷيەۋ بالانى" قۇزىرلى ورگاندار ۇستاپ, ەدٸل جازاعا تارتۋىن سۇرايدى.  

ەدٸلحان احمەتوۆ, مارقۇمنىڭ ەكەسٸ: 
- بٸز قاماتامىز. بٸرنەشە مەرتە. سول جەردەم بەرٸپ شىعارىپ جٸبەرەدٸ ونى. پوليتسەيلەرگە بٸز شاعىمداندىق. ولار كەلدٸ. ەزٸرگە نەتيجە جوق. ٷش كٷن بولدى. ٸزدەپ جاتىرمىز دەپ ايتادى. ەزٸرگە نەتيجە كٶرٸپ وتىرعانىمىز جوق.  

ال ارايلىم دٷيسەكوۆانىڭ ارتىندا قالعان راسۋل مەن كەۋسار اتتى قوس بٸردەي بٷلدٸرشٸن انالارى قاشان كەلەر ەكەن دەپ الاڭسىز كٷتٸپ جٷر. قازاعا جينالعان قاۋىم بولسا, مارقۇمنىڭ ارۋلانعان دەنەسٸن اقتىق ساپارعا الىپ كەتٸپ بارا جاتتى...  بەكزات ەسٸمدٸ جەرگٸلٸكتٸ پوليتسييا ينسپەكتورى بۇل وقيعا بويىنشا قىلمىستىق ٸس قوزعالعانىن ايتتى. بٸراق سيريياعا كەتۋدٸ كٶزدەگەن جٸگٸتتٸ ٸزدەستٸرۋ جۇمىستارى رەسپۋبليكا ەمەس, ەزٸرگە وبلىس كٶلەمٸندە عانا جٷرگٸزٸلٸپ جاتىر ەكەن.