كٸندٸك قانى تامعان جەرٸن تەرك ەتٸپ, «حاليفاتتان» جۇماق ٸزدەپ, جارىنىڭ ەتەگٸنەن ۇستاپ كەتكەن ەيەلدەردٸڭ سانى كٶپ. سولاردىڭ بٸرٸ — 53 جاستاعى ساعيدا ەلگە مٷگەدەك بولىپ ورالدى.
ەرٸنەن ايىرىلعان كەلٸنشەك سول بٸر زۇلمات ۋاقىتتى كٶز جاسىنسىز ەسٸنە المايدى.
ەيەلدٸڭ باسىنان كەشكەن وقيعاسىن الماتىداعى وڭالتۋ ورتالىعىنىڭ ماماندارى جازىپ العان.
ساعيدا قان تٶگٸسكە تولى سيرييانىڭ توپىراعىن بٸرٸنشٸ رەت 2013 جىلى باسقان.
ونىڭ كٷيەۋٸ 1 جىل بۇرىن بارعان.
جات ەلگە كەلە سالىسىمەن بٸرٸنشٸ كەزدە بەرٸ جاقسى بولعان. كەيٸن الاساپىران دٷنيە باستالدى.
«بٸزدە بالامىز جوق ەدٸ. ول جاقتا كٷيەۋٸم قارسى الدى. جىلاپ-ەڭٸرەپ, ەيتەۋٸر, جەتتٸك-اۋ سيريياعا! العاشىندا بەرٸ جاقسى بولدى. كەيٸن كيشمادان باعۋزعا دەيٸن قاتتى قيىندىق كٶردٸك. جاياۋ ەسكەر كٶرمەدٸك, اۋىر ارتيللەرييا بولدى ول جەردە. ەسٸرەسە, ەۋەدەن بومبالاۋ قورقىنىشتى ەدٸ…», – دەيدٸ ەيەل.
كٷيەۋٸ 3 جىلدان سوڭ بومبانىڭ استىندا قالىپ, كٶز جۇمعان.
جالعىز قالۋدان قورىققان ساعيدا رەسەيدٸڭ ەلي دەگەن قازاعىمەن باس قوسادى. كٷردتەردٸڭ لاگەرٸنە اپارار جولدا ول كٷيەۋٸنەن اداسىپ قالادى. كەيٸن بۇل كٷيەۋٸ قۇقىق قورعاۋ ورگاندارىنىڭ قۇرىعىنا تٷسكەنٸن بٸلەدٸ.
«كٷيەۋٸم بٷگٸندە تٷرمەدە وتىر. ەكٸ كٷيەۋٸم دە دايش-تىڭ قۇرامىندا بولدى. بٸز كٸشكەنە قاتەلٸك جٸبەردٸك, اسىعىستىق جاساپپىز. ول جاقتا نە بولىپ جاتقانىن كٶزٸمٸزبەن كٶردٸك. ساياسات ول جاقتا, مۇنايعا تالاسىپ جاتىر. تٷسٸنبەي جٷرگەن «باۋىرلارعا» اسىعىستىق جاساماڭدار دەر ەدٸم. ول جاقتا باسقا ەلدەردەن كەلگەندەرگە جامان قارايدى. ارابتاردىڭ تاماقتارى توق, اقشاسى بار. ال بٸزدەر, جان-جاقتان كەلگەندەر, اشىقتىق, اقشامىز بولمادى. مەن بالانىڭ ٷلكەنٸمٸن. مەن جوقتا ەكەم قايتىس بولىپتى. ونى وسى جاڭا ەستٸپ وتىرمىن… انام بار. بٸزدٸ ەلگە الدىرعان ەلباسىعا, پرەزيدەنتكە راقمەت! قانشا سەبيدٸڭ, ەيەلدەردٸڭ ٶمٸرٸن ساقتاپ قالدى. ٶتە رازىمىن», - دەدٸ ول.
ەيەل جات ەلدەن مٷگەدەك بوپ ورالدى. سۋعا شىققاندا سودىرلاردىڭ جاۋدىرعان وعىنىڭ استىندا قالعان. قاڭعىعان وق ەيەلدٸڭ سان سٷيەگٸن شاعىپ كەتكەن. سونىڭ كەسٸرٸنەن ساعيدا قازٸر ارباعا تاڭىلعان.
الايدا ول سٷيەگٸندەگٸ تەمٸرلەرٸن العان سوڭ جۇمىس ٸستەپ ەلگە پايداسىن تيگٸزۋ نيەتٸن دە جاسىرمادى.
«مەن بۇرىن تٸگٸنشٸ بولعانمىن. ەمدەلٸپ العان سوڭ ەشكٸمگە سالماعىمدى سالماي, جۇمىس ٸستەگٸم كەلەدٸ. ٷكٸمەت بٸزدٸ سيرييادان ەكەلۋگە قىراۋار اقشا جۇمسادى, ٶتە ىڭعايسىز», – دەدٸ ساعيدا.
سيريياعا كەتكەن وتانداستارىمىز بٷگٸندە ەلباسى نۇرسۇلتان نازارباەۆتىڭ قولداۋىمەن «جۋسان» وپەراتسيياسى ارقىلى ەلگە قايتىپ جاتىر.
وسى ۋاقىتقا دەيٸن «جۋسان-1» وپەراتسيياسىنان - 47 ادام, «جۋسان-2» وپەراتسيياسىنىڭ ارقاسىندا - 231 ادام, «جۋسان-3» وپەراتسيياسى ارقىلى 300-گە جۋىق ادام ەلگە قايتقان. «جۋسان-4» وپەراتسيياسىنىڭ ارقاسىندا قانشا ادام كەلگەنٸ ناقتى بەلگٸسٸز.
قر بٸلٸم جەنە عىلىم ۆيتسە-مينيسترٸ بيبٸگٷل اسىلوۆا حابارلاعانداي, بٷگٸندە 506 بالا سيرييادان قايتىپ كەلدٸ. قازٸرگٸ تاڭدا ەلٸمٸزدە جاسٶسپٸرٸمدەردٸ قولداۋعا ارنالعان 15 ەلەۋمەتتٸك-پسيحولوگييالىق, قۇقىقتىق ورتالىق جۇمىس ٸستەپ تۇر. ورتالىقتا تەۋلٸك بويى ستاتسيوناردا 14 بالالى 4 انا بار. قالعاندارى كٷندٸزگٸ ستاتسيوناردا. 254 بالا مەكتەپكە دەيٸنگٸ تەربيەمەن قامتىلعان. ياعني, ول بالالار مەكتەپكە دەيٸنگٸ ۇيىمدارعا بارىپ جٷر.
مەكتەپتەردە 153 بالا وقىپ جاتىر. سونداي-اق جەتٸم قالعان 33 بالا بار. ولار جەتٸمدەرگە ارنالعان ۇيىمدارعا تاراتىلدى.
