ەلٸمٸزدە سيريياعا كەتكەن قازاقستاندىقتاردى ەلگە قايتارۋ ٷشٸن «جۋسان» وپەراتسيياسى قولعا الىندى. وسى ۋاقىتقا دەيٸن «جۋسان-1» وپەراتسيياسىنان - 47 ادام, «جۋسان-2» وپەراتسيياسىنىڭ ارقاسىندا 231 ادام, «جۋسان-3» وپەراتسيياسى ارقىلى 230-عا جۋىق ادام ەلگە قايتتى. سولاردىڭ ٸشٸندە سالتانات ەسٸمدٸ جاسٶسٸپٸرٸمدە بار. قازٸر ونىمەن ماماندار جۇمىس ٸستەپ جاتىر.
سالتاناتتى بٸزبەن كەزدەسۋگە ەرەڭ كٶندٸردٸك. ول بٸزگە جارتى ساعات ۋاقىت بەردٸ. ودان ارتىق سٶيلەسپەيمٸن دەپ شارت قويدى. كٶندٸك. بٸز بارعانىمىزدا تەرەزەنٸڭ الدىندا تۇر ەكەن. سۇراق قويماستان ەڭگٸمەسٸن باستاپ كەتتٸ.
«ٶكٸنەم. كٶپ قيىنشىلىق كٶردٸم. بالالىق شاعىمدى ٶتكٸزدٸم. قىزىقتى شاعىمدى تەك ۋايىم قايعىمەن ٶتكٸزٸپ جٸبەرٸپپٸن»,- دەدٸ ول داۋسى دٸرٸلدەپ.
قارشاداي قىزدىڭ كٶرمەگەن قورلىعى جوق. نەبەرٸ 15 جاستا بولسا دا, ٶمٸردٸڭ نەبٸر سۇمدىعىن باسىنان ٶتكەرگەن. سول كٶرگەن ازابى «ەندٸ قايتالانباسا ەكەن دەگەن» نيەتپەن شىعار... شىن ەسٸمٸن جاسىرىپ, ول ٶزٸن سالتانات دەپ تانىستىردى. بال بالالىعىن ۇرلاپ, بۇ دٷنيەنٸڭ توزاعىن كٶرسەتكەن باسقا ەمەس, سالتاناتتىڭ ٶز اناسى. بەرٸ ونىڭ لاڭكەستەر ىلاڭ سالىپ جاتقان تاياۋ شىعىسقا تابان تٸرەۋٸنەن باستالدى. ول كٷندەر سالتاناتتتىڭ اسا ەسٸندە جوق. نەبەرٸ 7 جاستا بولاتىن. تەك اناسىنىڭ اياق استىنان بۋىنىپ - تٷيٸنٸپ, الدىمەن تٷركيياعا كەيٸن سيريياعا قىدىرىپ بارامىز دەگەنٸ ەسٸندە قالىپتى.
«باسقى كەز قاتتى ەسٸمدە جوق. كٸشكەنتاي بولعان سوڭ تەك بۇرىشتا وتىراتىنمىن ٷلكەندەردٸڭ قاسىندا. باسىندا بارعان كەزدە جاقسى قارسى الدى. 3 ايداي جاقسى تۇردىق. سول جەردەگٸ ادامدار بٸزدٸ شەكارادان ٶتكەندە ماشينامەن كٷتٸپ الدى. جارتى جىلدان سوڭ جاۋ جاقىنداپ, ارتقا قاشىپ, 20 كٷندەي دالادا جاتتىق. اۆتوبۋستا, مەشٸتتەرگە قوندىق. اش قالعان كٷندەرٸمٸزدە بولدى», - دەيدٸ سالتانات.
سالتانات ەسەيگەن سايىن, سيريياداعى جاعداي دا, قيىنداي تٷستٸ. كٷننەن كٷنگە ٷدەگەن جارىلىستار, اۋىل قالانىڭ بەرٸن قيراتتى. حالىق قويشا قىرىلدى. امان-قالعاندارى باس ساۋعالاپ كٶشٸپ-قونۋمەن ەلەك بولدى. شىقپا جانىم شىقپانىڭ كٷيٸن كەشكەن سالتاناتتىڭ دا قانشا قالادا تۇرعانى ەسٸندە جوق.تەك ەنە-مٸنە ٶلٸپ كەتەم بە دەگەن قاشىپ -پىسقان تٸرشٸلٸكتٸڭ قاجىتقانىن ايتادى. قازٸر ول قاقتىعىستىڭ قاق ورتاسىنان قالاي امان كەلگەنٸنە تاڭ قالادى. ٶيتكەنٸ ول جاقتا قولىنا قارۋ ۇستاعان ەرلەر عانا ەمەس. ەشكٸمگە زييانى جوق قارتتار مەن بالالاردا ٶلٸپ جاتىر. بٸرٸ-جارىلىستان, بٸرٸ اشتىقتان, ال ەندٸ بٸرٸ لاس, تىشقاني تٸرشٸلٸكتەن تۋىنداعان جۇقپالى اۋرۋلاردان.
«ادامدار ٶلٸپ جاتتى. قازاقتار كٶپ بولدى. قاي ۋاقىتتا ٶلەمٸز بٸلمەيمٸز دايىندالىپ جٷردٸك. دالادا اداسىپ قالعان بالالار بولدى. ولاردىڭ انالارى قايتىس بولىپ كەتكەن. تۇرىپ جاتقان جەرٸمٸزدەن قۋىپ جٸبەرەتٸن. كٶپ تاماق جەيسٸڭدەر دەپ. قىزداردى تانىمايتىن بٸرەۋلەرگە بەرٸپ جٸبەرەتٸن», - دەپ ەسكە الدى ول.
سالتاناتتىڭ اناسى سيرييادا كٶپ قينالىپتى. شام ەلٸندە باقىتتى عۇمىر كەشەمٸز, ٶمٸر بويى سٷيٸپ ٶتەمٸن دەپ الداپ شاقىرعان راديكال ازاماتى ەلدەقاشان ٶلٸپ قالعان.ودان بەرٸ بٸرنەشەۋٸمەن نەكەلەسكەن ەكەن. ال, بويجەتٸپ قالعان قىزىنا قورعان بولا الماعان سوڭ 11 جاسىندا تۇرمىسقا بەرٸپتٸ. جولداسى مەن وتباسىلىق ٶمٸرٸ جايىندا, سالتانات اشىپ ايتقىسى كەلمەدٸ. بٶلٸسۋگە بولمايتىن قۇپيياسى بار ما? ەلدە بٸتكەن جارانىڭ اۋزىن تىرناعىسى كەلمەدٸ مە كٷيەۋٸ تۋرالى تٸس جارمادى. تەك بالالىق شاعىنىڭ قور بولعانىن ايتا بەردٸ.
«7 جىل ٶمٸرٸم تٷستەي ٶتتٸ. ٶز ەلٸمدە ٶزٸمدٸ باسقاشا سەزٸنە باستادىم. بالالىق شاعىمدى قايتارا المايمىن, قىزىق ۋاقىتىمنىڭ بەرٸ ٶتٸپ كەتٸپتٸ. ەسكە تٷسٸرسەم, بومبادان قاشىپ جٷرگەن كەزٸم تٷسەدٸ. ەرتەڭگٸ كٷنٸم قانداي بولادى. قاي جەرگە بارامىز. قانداي ۋاقىتتا ٶتٸپ كەتۋٸمٸز مٷمكٸن. قانداي ۋاقىتتا ٶلٸپ كەتۋٸمٸز مٷمكٸن بٸلمەيمٸز. ٶزٸم دە, جولداسىم دا بٸلمەيدٸ. سونىڭ ارتىنان ەرٸپ جٷرە بەردٸم. ەركٸم قارا باسىنىڭ قامىن ويلايدى. ەشكٸمنٸڭ ەشكٸمگە قارايلايتىن مۇرشاسى جوق. ەسٸرەسە, جەتٸمدەر مەن جەسٸرلەر قورعانسىزدىڭ كٷيٸن كەشەدٸ. كٷيەۋٸ ٶلگەن ەيەلدەر - لاڭكەستەردٸڭ ولجاسى. ۇلىنىڭ قولىنا قارۋ بەرٸپ ٶزدەرٸ سەكٸلدٸ قانپەزەر قىلادى. ال, اناسى مەن قىزىن قولجاۋلىق قىپ ساۋداعا سالادى», - دەيدٸ ول.
ەلگە ورالۋعا مٷمكٸندٸك تۋعان سەتتە اناسى تەك سالتاناتتىڭ ٶزٸن عانا جٸبەرٸپتٸ. بولاشاعى الدا, ەلٸ-اق وڭالىپ كەتەر دەسە كەرەك. ال ٶزٸ كٸشكەنتاي قىزىمەن بٸرگە سيرييادا قالىپتى. وتانعا ورالماس بۇرىن سالتانات تا كٶپ ويلانىپتى.
«بٸزگە شام ەلٸندەگٸلەر ەلدەرٸڭە قايتۋشى بولماڭدار دەيتٸن. بارساڭدار, قامايدى سەندەردٸ دەپ قورقىتتى. باسىندا مەندە قورىقتىم. بٸراق قازٸر ٶكٸنبەيمٸن. سول جاقتا قالعان انام مەن سٸڭٸلٸمدٸ ويلايمىن. ولاردىڭ كٷنٸ نە بولماق, سونى ۋايىمدايمىن», - دەدٸ سالتانات.
«جۋسان» دەپ ايدارلانعان شارا بەيكٷنە بالالاردى اداستىرماۋ ٷشٸن قاجەت. جۇرتتا جىراقتا قالدىرماۋ ٷشٸن قاجەت. ولار قازٸر جازعىرۋدان گٶرٸ جاناشىرلىققا مۇقتاج. سالتاناتتىڭ العا قويعان ماقسات ارماندارى بار. وڭالتۋ شارالارى اياقتالعان سوڭ وقۋىن جالعاستىرعىسى كەلەدٸ.
