«قازگيدرومەت» رمك اۋا رايىنىڭ بۇزىلۋىنا بايلانىستى بٸرنەشە وبلىستا ەسكەرتۋ جارييالادى, دەپ حابارلايدى "ۇلت اقپارات".
اتاپ ايتقاندا, 3 اقپاندا قاراعاندى وبلىسىنىڭ كەي جەرلەرٸندە وڭتٷستٸك-باتىستان سەكۋندىنا 15-20 مەترگە دەيٸن جەتەتٸن جەل سوعىپ, كٶكتايعاق بولۋى مٷمكٸن.
سولتٷستٸك قازاقستان وبلىسىنىڭ باسىم بٶلٸگٸندە تٷندە جاۋىن-شاشىن (جاڭبىر, قار) تٷسەدٸ. 3-4 اقپاندا كەي جەرلەردە تۇمان, كٶكتايعاق, جاياۋ بۇرقاسىن بولادى.
3 اقپاندا وڭتٷستٸك-باتىستان, باتىستان جەل سوعىپ, كٷشٸ 15-20, ەكپٸنٸ 23-28 م/س بولۋى مٷمكٸن. 4 اقپاندا جەلدٸڭ كٷشٸ كەي جەرلەردە 15-20 م/س جەتەدٸ.
پەتروپاۆل قالاسىندا 3 اقپاندا كٶكتايعاق, جاياۋ بۇرقاسىن بولادى. وڭتٷستٸك-باتىستان, باتىستان سوققان جەلدٸڭ كٷشٸ سەكۋندىنا 15-20 مەترگە جەتۋٸ ىقتيمال. 3-4 اقپاندا تۇمان تٷسەدٸ.
3-5 اقپان ارالىعىندا تٷركٸستان وبلىسىنىڭ كەي جەرلەرٸندە تۇمان ساقتالادى.
3 اقپاندا شىعىس قازاقستان وبلىسىندا كٷندٸز كەي جەرلەردە جاۋىن-شاشىن (جاڭبىر, قار) بولجانادى. كەي جەرلەردە بۇرقاسىن, تۇمان, كٶكتايعاق بولۋى ىقتيمالى. وڭتٷستٸك-شىعىستان سوققان جەل وڭتٷستٸك-باتىسقا اۋىسىپ ەكپٸنٸ 15-20 م/س, كٷندٸز 25 م/س جەتەدٸ.
اقمولا وبلىسىنىڭ كەي اۋماقتارىندا تۇمان تٷسٸپ, كٶكتايعاق, جاياۋ بۇرقاسىن بولۋى مٷمكٸن. وڭتٷستٸك-باتىستان تٷندە كٷشٸ 15-20 م/س, كٷندٸز كەي جەرلەردە 15-20 م/س جەل سوعادى.
كٶكشەتاۋ قالاسىندا تۇمان, كٶكتايعاق, جاياۋ بۇرقاسىن بولۋى مٷمكٸن. وڭتٷستٸك-باتىستان سوعاتىن جەلدٸڭ ەكپٸنٸ 15-20 م/س جەتەدٸ.
قوستاناي وبلىسىنىڭ كەي جەرلەرٸندە جاياۋ بۇرقاسىن, تۇمان, كٶكتايعاق كٷتٸلەدٸ. وڭتٷستٸك-باتىستان جەل سوعىپ, ونىڭ جىلدامدىعى 15-20 م/س جەتەدٸ.
قوستاناي قالاسىندا كٶكتايعاق بولۋى ىقتيمال. وڭتٷستٸك-باتىستان سەكۋندىنا 15-20 مەترگە جەتەتٸن جەل سوعادى.
جامبىل وبلىسى مەن تاراز قالاسىندا تۇمان تٷسەدٸ.
3 اقپاندا باتىس قازاقستان وبلىسىنىڭ كەي جەرلەرٸندە تۇمان, كٶكتايعاق بولۋى مٷمكٸن.
ورال قالاسىندا تٷندە جەنە تاڭەرتەڭ تۇمان بولادى.
اقتٶبە وبلىسىنىڭ كەي جەرلەرٸندە تۇمان, كٶكتايعاق, اقتٶبە قالاسىندا كٶكتايعاق بولۋى مٷمكٸن.
