«قازگيدرومەت» رمك 14 تامىز كٷنٸ اۋا رايىنىڭ بۇزىلۋىنا بايلانىستى بٸرنەشە ٶڭٸردە ەسكەرتۋ جارييالادى, دەپ حابارلايدى "ۇلت اقپارات".
اتاپ ايتقاندا, قاراعاندى وبلىسىنىڭ كەي جەرلەرٸندە نايزاعاي, داۋىل, تۇمان, بۇرشاق كٷتٸلەدٸ. سولتٷستٸك-باتىستان, باتىستان جەل سوعادى, كٷشٸ 15-20 م/س ارتادى. سونداي-اق وبلىستىڭ وڭتٷستٸگٸندە ٶتە جوعارى ٶرت قاۋپٸ ساقتالادى.
قاراعاندى قالاسىندا نايزاعاي, بۇرشاق بولجانادى. وڭتٷستٸك-باتىستان, باتىستان جەل سوعادى, كٷندٸز ەكپٸنٸ 18 م/س بولادى.
اقتٶبە وبلىسىندا نايزاعاي كٷتٸلەدٸ. جەلدٸڭ باعىتى وڭتٷستٸك-شىعىستان وڭتٷستٸك-باتىسقا اۋىسىپ, كٷندٸز كەي جەرلەردە ەكپٸنٸ 18 م/س جەتەدٸ.
اقتٶبە قالاسىندا نايزاعاي بولجانادى.
اقمولا وبلىسىنىڭ كەي جەرلەردە نايزاعاي ويناپ, تۇمان تٷسەدٸ.
شىعىس قازاقستان وبلىسىندا كٷندٸز كەي جەرلەردە قاتتى جاڭبىر جاۋادى. سونداي-اق نايزاعاي, داۋىل, بۇرشاق بولجانادى. وڭتٷستٸك-باتىستان, باتىستان سوققان جەلدٸڭ جىلدامدىعى 15-20 م/س جەتەدٸ.
اتىراۋ وبلىسىنىڭ كەي جەرلەرٸندە نايزاعاي كٷتٸلەدٸ. جەل باتىستان, وڭتٷستٸك-باتىستان سوعادى, كٷشٸ كەي جەرلەردە 15-20 م/س ارتادى.
قىزىلوردا وبلىسىندا ٶتە جوعارى ٶرت قاۋپٸ ساقتالادى.
قوستاناي وبلىسىنىڭ كەي جەرلەرٸندە نايزاعاي ويناپ, سولتٷستٸك-شىعىستان, شىعىستان سوققان جەلدٸڭ ەكپٸنٸ 15-20 م/س كٷشەيەدٸ.
باتىس قازاقستان وبلىسىنىڭ سولتٷستٸگٸندە نايزاعاي, بۇرشاق بولجانادى. جەل باتىستان, وڭتٷستٸك-باتىستان سوعادى, كەي جەرلەردە ەكپٸنٸ 15-20 م/س جەتەدٸ.
ورال قالاسىنداسونداي-اق نايزاعاي, 18 م/س ەكپٸندە جەل كٷتٸلەدٸ.
