فوتو: Yonhap
وڭتٷستٸك كورەيادا ۇستالعان قازاقستاندىقتارعا ٷش تٷرلٸ ايىپ تاعىلدى. بۇل تۋرالى سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ ايتتى, دەپ حابارلادى Halyq Uni سايتى.
"ٶزدەرٸڭٸزگە بەلگٸلٸ, 24 ناۋرىزدا ينچحون ەۋەجايىندا پاسپورتتىق باقىلاۋدى ٶتۋ كەزٸندە تاشكەنتتەن كەلگەن ەكٸ قازاقستان ازاماتىنا وڭتٷستٸك كورەيا رەسپۋبليكاسىنا كٸرۋگە تىيىم سالىندى.
ولار دەپورتاتسييالاۋدى كٷتۋ ٷشٸن ارنايى بٶلمەگە ورنالاستىرىلعان. الايدا تٷندە قازاقستاندىقتار قاشىپ, وڭتٷستٸك كورەيا اۋماعىنا زاڭسىز كٸرگەن. 26 ناۋرىزدا زاڭ بۇزعان قازاقستاندىقتىڭ بٸرٸ ۇستالدى, ال 29 ناۋرىزدا ەكٸنشٸ ازامات كٸنەسٸن مويىنداپ, ٶز ەركٸمەن بەرٸلدٸ", - دەدٸ سٸم رەسمي ٶكٸلٸ.
قازٸر زاڭ بۇزعان قازاقستاندىقتار ينچحون قالاسى كٶشٸ-قون ورتالىعىنداعى تەرگەۋ يزولياتورىندا قاماۋدا وتىر.
وڭتٷستٸك كورەيا زاڭناماسىنا سەيكەس, تەرگەۋ شارالارى ٷش ايعا دەيٸن سوزىلۋى مٷمكٸن. ٸس پروكۋراتۋراعا جٸبەرٸلەدٸ. وسىعان بايلانىستى تەرگەۋ مٷددەسٸ ٷشٸن وڭتٷستٸك كورەيانىڭ قۇزىرەتتٸ ورگاندارى ٸستٸڭ ەگجەي-تەگجەيٸن اشپاي وتىر. ۇستالعان قازاقستان ازاماتتارىنا كورەيا رەسپۋبليكاسىنىڭ زاڭىن بۇزۋ بويىنشا 3 ايىپ تاعىلادى:
- ەميگراتسييالىق باقىلاۋ تۋرالى زاڭدى بۇزۋ, ەلگە زاڭسىز كٸرۋ;
- ەميگراتسييالىق باقىلاۋ تۋرالى زاڭدى بۇزۋ, ەلدە زاڭسىز بولۋ;
- ەۋەجاي وبەكتٸلەرٸ مەن ونىڭ عيماراتتارى تۋرالى زاڭدى بۇزۋ.
قازاقستاننىڭ وڭتٷستٸك كورەياداعى ەلشٸلٸگٸ جەرگٸلٸكتٸ قۇقىق قورعاۋ ورگاندارى جەنە ۇستالعان قازاقستاندىقتاردىڭ تۋىستارىمەن تۇراقتى بايلانىسىپ وتىر.
سونداي-اق سٸم رەسمي ٶكٸلٸ كورەياداعى قازاقستان ازاماتتارىن جاپپاي جۇمىستان شىعارىپ جاتىر دەگەن مەلٸمەتتٸڭ جالعان ەكەنٸن اتاپ ٶتتٸ.
"كورەيادا قازاقستان ازاماتتارىن جاپپاي جۇمىستان شىعارىلىپ جاتقانى تۋرالى اقپاراتتىڭ شىندىققا جاناسپايتىنىن حابارلايمىز. بۇل وقيعا رەسمي جۇمىسپەن قامتىلعان قازاقستان ازاماتتارىنا ەسەرٸن تيگٸزبەگەن", - دەدٸ ول.
ەستەرٸڭٸزگە سالا كەتەيٸك, كورەيادا جۇمىس بەرۋشٸ رەسٸمدەيتٸن ارنايى رۇقسات پەن ۆيزانىڭ بولۋى نەگٸزٸندە عانا جۇمىس ٸستەۋگە بولادى. جۇمىسقا تۇرۋدىڭ باسقا جولدارى زاڭسىز بولىپ ەسەپتەلەدٸ.
