قازاقستان سىرتقى ٸستەر مينيسترلٸگٸنٸڭ ٶكٸلٸ لاوستا ەڭبەك قۇلدىعىندا ەكەنٸن مەلٸمدەگەن انەل بەرماعامبەتوۆانىڭ ٷندەۋٸنە قاتىستى پٸكٸر بٸلدٸردٸ, - دەپ حابارلايدى Tengrinews.kz اگەنتتٸگٸ.
سٸم مەلٸمەتٸنشە, وتانداسىمىز كونسۋلمەن بايلانىسقا شىعىپ, ٶزٸنٸڭ جاعدايى تۋرالى ايتىپ بەرگەن. قازاقستاننىڭ حانويداعى ەلشٸلٸگٸ لاوستىڭ سىرتقى ٸستەر مينيسترلٸگٸنە ونى قۇتقارۋعا بارىنشا كٶمەك كٶرسەتۋ تۋرالى تيٸستٸ نوتا جولداعان. لاوس پوليتسيياسى بۇل مەسەلەمەن اينالىسىپ جاتىر, ەرتەڭ لاوستىڭ سٸم جەنە ٸٸم ٶكٸلدەرٸمەن كەلٸسسٶز ٶتەتٸنٸ بەلگٸلٸ بولدى.
"ايتا كەتەيٸك, بٸزدٸڭ وتانداسىمىزعا قاۋٸپ تٶنٸپ تۇرعان جوق, ول ديپلوماتتارمەن جەنە تۋىستارىمەن ٷنەمٸ بايلانىستا. ونىڭ ايتۋىنشا, قۇجاتتارى مەن تەلەفونىنا تيٸسپەگەن, تەلەفون مەن ينتەرنەت بايلانىسىن شەكتەمەگەن, سونداي-اق, كٷش قولدانباعان. ول تايلاندقا جەنە ودان ەرٸ ٶز ەركٸمەن بارعان. سونداي-اق, انەلدٸڭ ايتۋىنشا, جۇمىس بەرۋشٸلەر ونىڭ ۇشۋىنا, تۇرۋىنا جەنە باسقا دا شىعىندارىنا جۇمساعان قاراجاتى ٶتەلسە, جٸبەرۋگە دايىن", - دەدٸ قر سٸم رەسمي ٶكٸلٸ ايبەك سماديياروۆ.
بۇل مەسەلە ۆەتنامداعى ەلشٸلٸكتٸڭ ەرەكشە باقىلاۋىنا الىنعان. سٸم جەنە قر ۆەتنامداعى ەلشٸلٸگٸ انەلدٸڭ ٷيٸنە ورالۋىنا كٶمەكتەسەدٸ.
قازاقستان سٸم ازاماتتاردان شەت ەلدە جۇمىس ٸستەۋ ٷشٸن قۇجاتتار مەن كەلٸسٸمشارتتارعا قول قويىلعانعا دەيٸن ەرٸ شەت ەلگە شىققانعا دەيٸن بەرٸن مۇقييات زەردەلەۋدٸ, سونداي-اق, كٷتپەگەن جاعداي تۋىنداماۋ ٷشٸن جۇمىس بەرۋشٸلەردٸ تەكسەرۋدٸ سۇرايدى.
ەسكە سالايىق, بۇعان دەيٸن جەلٸدە لاوستاعى قازاقستاندىق كٶمەك سۇراعانى حابارلانعان بولاتىن.
