قر سىرتقى ٸستەر مينيسترٸ مۇحتار تٸلەۋبەردٸ قايرات ەبدٸراحمانوۆتىڭ ەۋروپاداعى قاۋٸپسٸزدٸك جەنە ىنتىماقتاستىق ۇيىمىنىڭ جوعارعى كوميسسارى لاۋازىمىنا سايلانۋىنا قاتىستى پٸكٸر بٸلدٸردٸ, دەپ حابارلايدى قازاقپارات.
«3-4 جەلتوقسان كٷندەرٸ ونلاين فورماتتا ەۋروپاداعى قاۋٸپسٸزدٸك جەنە ىنتىماقتاستىق ۇيىمىنىڭ سىرتقى ٸستەر مينيسترلەرٸنٸڭ 27-شٸ وتىرىسى بولىپ ٶتتٸ. ول جيىندا ۇيىمعا قاتىسۋشى ەلدەر ونىڭ مانداتىنا قاتىستى ماڭىزدى مەسەلەلەردٸ تالقىلادى. ٶزدەرٸڭٸز بٸلەتٸندەي, 2020 جىل ەقىۇ ٷشٸن وڭاي بولعان جوق. سەبەبٸ كەيٸنگٸ جىلدارى بۇل ۇيىم باسشىسىز جۇمىس ٸستەپ كەلدٸ. اتاپ ايتقاندا شٸلدەدە تٶرت باسشىنىڭ بەرٸ بٸردەي ٶز مانداتتارىنان ايىرىلعان بولاتىن. بٸز بۇل كەزەڭگە ينستيتۋتسيونالدىق داعدارىس رەتٸندە قارادىق. بٷگٸن بۇل مەسەلە شەشٸمٸن تاۋىپ, كونسەنسۋس ورناپ, جاڭا باسشىلار سايلاندى», - دەدٸ مۇحتار تٸلەۋبەردٸ سٸم-نٸڭ باسپاسٶز مەسليحاتىندا.
ونىڭ ايتۋىنشا بۇل تاريحي وقيعا, ٶيتكەنٸ ۆەنادان باستاپ شىعىسقا قاراي, ياعني تمد مەن ورتالىق ازيياداعى ەلدەردٸڭ ٸشٸنەن بۇل ۇيىمنىڭ باسشىلىعىنا ەشكٸم بارماعان.
«بۇل تۇرعىدا قازاقستان ۇلتتىق ازشىلىقتار ٸستەرٸ جٶنٸندەگٸ جوعارعى كوميسسار لاۋازىمىنا تەجٸريبەلٸ قازاقستاندىق ديپلومات, بٸزدٸڭ ەلدٸڭ شۆەتسييا مەن دانيياداعى ەلشٸسٸ قايرات قۇدايبەرگەنۇلى ەبدٸراحمانوۆتى ۇسىنۋ تۋرالى شەشٸم قابىلدادى. قايرات ەبدٸراحمانوۆتىڭ ۇسىنىلۋىن ەقىۇ-عا مٷشە مەملەكەتتەر جىلى قابىلدادى. وسىلايشا قازاقستان بٸزدٸڭ كانديداتۋرا بويىنشا ٷلكەن قولداۋعا يە بولدى», - دەپ اتاپ ٶتتٸ مينيستر.
مۇحتار تٸلەۋبەردٸ قازاقستاندىق ٷمٸتكەردٸڭ بۇل ورىنعا كەلۋٸن قازاقستاننىڭ ەلەمدەگٸ جەنە ۇيىمنىڭ ٶز ٸشٸندەگٸ ابىرويىمەن بايلانىستىرادى.
«قازاقستاننىڭ ٶزٸ دە بٸر ۋاقىتتا اتالمىش ۇيىمعا تٶراعالىق ەتٸپ, بٸزدٸڭ ەلدٸڭ استاناسىندا سامميت ٶتكٸزگەن بولاتىن», - دەيدٸ ول.
