فوتو: قر سٸم باسپاسٶز قىزمەتٸ
قازاقستاننىڭ سىرتقى ٸستەر مينيسترلٸگٸ 15 سەۋٸردەن بەرٸ قارۋلى قاقتىعىس باسىلماي جاتقان سۋداننان ەۆاكۋاتسييالانعان ەل ازاماتتارىنىڭ سانى تۋرالى مەلٸمدەدٸ, - دەپ حابارلايدى Tengrinews.kz سايتى.
"سۋدانداعى قارۋلى قاقتىعىستىڭ كٷشەيۋٸنە بايلانىستى مىسىرداعى جەنە ەفيوپيياداعى ەلشٸلٸكتەرٸمٸز, سونداي-اق دجيدداداعى باس كونسۋلدىق قازاقستان ازاماتتارىن ەۆاكۋاتسييالاۋ مەسەلەسٸمەن اينالىسىپ جاتىر.
باستاپقىدا ول جاقتاعى قازاقستاننىڭ ٷش ازاماتى عانا بەلگٸلٸ بولعان. كەيٸن اقپارات باق-تا جارييالانعاننان كەيٸن سۋدان اۋماعىنداعى تاعى 14 ازاماتىمىز مينيسترلٸككە جٷگٸندٸ", - دەدٸ سٸم باسپاسٶز حاتشىسى ايبەك سماديياروۆ.
سىرتقى ٸستەر مينيسترلٸگٸنٸڭ حابارلاۋىنشا, قازاقستان ەلشٸلٸكتەرٸنٸڭ ەسەبٸنە سەيكەس, قاقتىعىس ٶرشٸگەنگە دەيٸن سۋداندا بارلىعى 17 ازاماتىمىز بولعان.
"ولاردىڭ كٶپشٸلٸگٸ سۋدانعا جەكە تاۋ-كەن كومپانيياسىندا جۇمىس ٸستەۋ ٷشٸن كەلگەن. بٷگٸندە سۋداندا ورنالاسقان رەسەي, تٷركييانىڭ ەفيوپييا, يوردانييا ەلشٸلٸكتەرٸنٸڭ كٶمەگٸمەن, قازاقستاننىڭ التى ازاماتى ەۆاكۋاتسييالاندى", - دەدٸ رەسمي ٶكٸل.
سماديياروۆ ازاماتتاردىڭ يوردانييا, ساۋد ارابيياسى, جيددا جەنە ەفيوپيياعا جەتكٸزٸلگەنٸن اتاپ ٶتتٸ.
"يۋنيسەف قىزمەتكەرٸ بولىپ تابىلاتىن قازاقستاننىڭ بٸر ازاماتى يوردانيياداعى يۋنيسەف كامپۋسىنا ورنالاستىرىلدى, تاعى بٸر وتانداسىمىز ٶز ٶتٸنٸشٸ بويىنشا ەمٸرلٸكتەردە قالۋدى ۇيعاردى. تٶرت وتانداسىمىز قازاقستانعا كەلدٸ. 17 ازاماتتىڭ التاۋى سۋداننان تىس جەرلەرگە كەتتٸ. بٸزدٸڭ قالعان 11 ازامات ٶز قالاۋى بويىنشا سۋداندا قالدى. ونىڭ 10-ى - تاۋ-كەن ٶندٸرۋشٸ جەكە كومپانييانىڭ قىزمەتكەرلەرٸ. بٸر ازامات - "شەكاراسىز دەرٸگەرلەر" ۇيىمىنىڭ قىزمەتكەرٸ. ول سوندا قالۋدى شەشتٸ, بٸز دە ونىمەن بايلانىستامىز", - دەدٸ سماديياروۆ.
سىرتقى ٸستەر مينيسترلٸگٸنٸڭ ٶكٸلٸ سۋداندا قازاقستاننىڭ ەلشٸلٸگٸ بولماعاندىقتان, ازاماتتاردى ەۆاكۋاتسييالاۋ شەتەلدٸك ەلشٸلٸكتەردٸڭ كٶمەگٸمەن جٷزەگە اسىرىلاتىنىن اتاپ ٶتتٸ.
