كٷندەلٸكتٸ قىم-قۋىت تٸرلٸكتە اسا بايقالا بەرمەسە دە, تاپشىلىعىن تۇرمىس كٶتەرە المايتىن, دەرەۋ ورنى بٸلٸنٸپ قالاتىن زاتتار بولادى. سونىڭ بٸرٸ – كەدٸمگٸ اينا, شىنى. ايناسىز بٷگٸندە اينالانى ەلەستەتۋ قيىن بولار. شىنىندا دا سولاي. ٷيدٸڭ تەرەزەسٸنەن باستاپ, شىنىنىڭ پايدالانىلمايتىن جەرٸ كەمدە-كەم. تٸپتٸ, قازٸر قۇرىلىستا دا شىنىنىڭ ورنى ٶزەكتٸ بولىپ تۇر. قوستاناي قالاسىنداعى «ستەكلوتسەنتر-2008» جاۋاپكەرشٸلٸگٸ شەكتەۋلٸ سەرٸكتەستٸگٸ ون بەس جىلدان بەرٸ تۇتىنۋشىلار قاجەتٸن تابۋعا كٶمەكتەسٸپ, كٶڭٸلدەن شىعىپ كەلەدٸ. جىل سايىن ولاردىڭ كٶرسەتەر قىزمەت تٷرلەرٸ دە, تاۋاردىڭ ەر الۋاندىعى دا كٶبەيە تٷسكەن. كومپانييا تۇتىنۋشىعا شىنى تٷرلەرٸ مەن ونى ٶڭدەپ, فورماعا كەلتٸرٸپ بەرۋدٸڭ تٷر-تٷرٸن ۇسىنادى.
اينانىڭ نەشە تٷرٸ, ونىڭ اينالاسىن ەرلەندٸرۋ, جازۋ, ويۋلاۋ سەكٸلدٸ تۇرمىسقا سەندٸ بۇيىمنىڭ بارلىعى «ستەكلوتسەنتر-2008» كەسٸپورنىنىڭ قوستانايداعى تسەحىنان شىعىپ جاتىر. ونىڭ دٷكەنٸنەن تۇتىنۋشى تەك اينا عانا ەمەس, تۇرمىستا قولدانىلاتىن شىنىدان جاسالعان تالاي بۇيىمدى تابادى, تاڭدايدى. ٷستەل, ورىندىق, اس ٷيدٸڭ قابىرعاسىن ەرلەيتٸن «الجاپقىش», ساعات دەيسٸز بە, شىنىدان جاسالىپ سىڭعىرلاپ تۇرعان تالاي دٷنيەگە تاپ بولاسىز. مۇنىڭ بارلىعىن جاساۋ كەسٸپورىن ماماندارى مەن باسشىلارىنا يتالييادان الدىرىلعان قىمبات جابدىقتىڭ ارقاسىندا مٷمكٸن بولدى. كومپيۋتەرلەندٸرٸلگەن ستانوك بەلگٸلەنگەن باعدارلامامەن ەينەكتٸڭ نەمەسە اينانىڭ بەتٸنە تىرناق ٸزٸندەي ارتىق سىزاتسىز قالاعان سۋرەتتٸ, ويۋدى سالىپ, جازۋدى شىتىناتپاي جازىپ بەرەدٸ. سونداي-اق, وسى ستانوكتاردىڭ بٸرٸمەن مونوليتتٸ شىنىنى سىزاتسىز قالاعان كٶلەمدە, قالاعان فورمادا كەسەدٸ.
ٶندٸرٸسٸ وزىق ەلدەردەن ٷيرەنگەندە عانا كەسٸپتٸڭ قادامى جٷرەتٸنٸن ٸزدەنگەن كەسٸپكەرلەر جاقسى بٸلٸپ قالعان. يتالييادان ەكەلٸنگەن شىنى كەسەتٸن, ٶرنەكتەيتٸن جابدىقتاردىڭ كەپٸلدٸگٸ بار. ەگەر باعدارلامانى ٶزگەرتۋ نەمەسە جاڭا ماتەريالدار كەرەك بولسا, كەسٸپورىن ماماندارى يتالييالىق زاۋىتتىڭ مەسكەۋدەگٸ ٶكٸلدٸگٸنە حابارلاسادى.
– مىسالى, جىلىنا ەكٸ رەت مەسكەۋدەگٸ زاۋىت ٶكٸلدٸگٸنە شىعىپ وتىرامىز. ٶيتكەنٸ, اينا مەن شىنىلاردى ٶرنەكتەگەندە ولاردىڭ استىنا قالىڭ اليۋمينيي تاقتا قويىلادى. ونىڭ ٷستٸڭگٸ قاباتىن جارتى جىلدا بٸر رەت ٶزگەرتٸپ تۇرۋ كەرەك. وسىعان مەسكەۋلٸكتەر كٶمەككە كەلەدٸ, – دەيدٸ «ستەكلوتسەنتر-2008» كەسٸپورنىنىڭ مامانى پاۆەل اكسەنوۆ.
تۇرمىس تا, قۇرىلىس تا شىنىسىز بولمايدى دەدٸك. سوڭعى كەزدەرٸ تريپلەكس, ياعني «شىڭدالعان» شىنىعا نارىقتا سۇرانىس كٶپ. ونىڭ مەنٸسٸ دە, ساپاسى دا قانشا بالتالاساڭ دا شىنىنىڭ جارىقشاقتارى ۇشپايتىندىعىندا, قاۋٸپسٸزدٸگٸندە. تسەح مامانى وسىنداي شىنىنىڭ بٸر بٶلٸگٸن بالتالاپ كٶرسەتتٸ. مۇنداي شىنى تٷرٸن اس ٷيدٸڭ قابىرعاسىن ەرلەۋگە قولدانادى, سونىمەن قاتار اۆتوبۋستاردىڭ تەرەزەسٸنە دە وسىنداي قاۋٸپسٸز شىنىلار سالىنادى. بۇل جاراقاتتىڭ بولۋىن ازايتۋعا ىقپال ەتەدٸ. قۇرىلىستا قازٸر ٸرٸ عيماراتتاردىڭ ەسٸك, تەرەزەسٸن دە «شىڭدالعان» شىنىدان سالۋ تالاپ ەتٸلەدٸ. ول كەدٸمگٸ شىنىنىڭ بٸرنەشە بەتٸن اراسىنا ارنايى پلەنكا سالىپ قاباتتاپ, ەكٸ ساعات جوعارى تەمپەراتۋرادا «پٸسٸرٸپ» جاسالادى. مۇنداي ٷلكەن سۇرانىسقا يە تاۋاردى جاساۋ ٷشٸن «ستەكلوتسەنتر-2008» كەسٸپورنىنا تاعى دا شەتەلدٸك جەتٸلدٸرٸلگەن ستانوك كەرەك. ونى كەسٸپورىن باسشىلىعى «دامۋ-ٶندٸرٸس» باعدارلاماسى بويىنشا الۋعا قاجەتتٸ قۇجاتتار دايىنداۋ ٷستٸندە. باعاسى 95 ميلليون تەڭگە تۇراتىن ستانوك قوستانايدا تريپلەكس شىنىسىن ٶندٸرۋگە مٷمكٸندٸك جاسايتىن بولادى.
جالپى, «ستەكلوتسەنتر-2008» جاۋاپكەرشٸلٸگٸ شەكتەۋلٸ سەرٸكتەستٸگٸ مەملەكەتتٸك باعدارلامانىڭ ارقاسىندا تۇتىنۋشى قاجەتٸن ٶتەيتٸن كەسٸپورىن دەرەجەسٸنە كٶتەرٸلدٸ, نارىقتى بايىتتى. شاعىن جەنە ورتا كەسٸپكەرلٸكتٸ قولداۋ جٶنٸندەگٸ «دامۋ» قورىنىڭ باعدارلاماسى بويىنشا 49 ميلليون تەڭگەنٸ جىلىنا 6 پايىزدىق ٷستەمەمەن العان بولاتىن. سونىڭ ارقاسىندا ەسەم بۇيىمدار ٶندٸرٸپ, تۇتىنۋشىلار كٶڭٸلٸنەن شىعىپ, نارىقتا ٶزٸن سەنٸمدٸ سەزٸنە بٸلدٸ. ەندٸ ولار كەسٸپورىندى كەڭەيتۋدٸ جوسپارلاپ وتىر.
– مەملەكەتتٸك باعدارلامانىڭ قولداۋى بٸزدٸڭ كەسٸپورىننىڭ نارىققا كەلۋٸنە تولىق مٷمكٸندٸك جاسادى. ەتتەڭ, قازاقستاندا شىنى ٶندٸرەتٸن ٶندٸرٸس جوق. بٸز شىنىنى رەسەي مەن قىرعىزستاننان تاسيمىز. قىرعىزستاندا نەمٸس ينۆەستورلارى شىنى زاۋىتىن سالعان, شىنىسىنىڭ ساپاسى جامان ەمەس. بٸز ٶز شىنى زاۋىتىمىزدى سالۋدى ارماندايمىز, – دەيدٸ پاۆەل اكسەنوۆ.
ەۋ باستا جالعا العان كٸشكەنتاي تسەحتا تەرەزە جەلدەتكٸشٸنە شىنى كەسۋمەن اينالىسقان دەربەس كەسٸپورىن ٶزٸنٸڭ جەكە عيماراتى بولۋىن, ٷلكەن كەسٸپورىنعا اينالۋدى ماقسات تۇتقان ەدٸ. مٸنە, قازٸر 150 ادامعا جۇمىس بەرٸپ وتىرعان, استانا, كٶكشەتاۋ, پەتروپاۆل قالالارىندا فيليالدارى بار ٸرٸ كەسٸپورىنعا اينالدى. كەسٸپورىننىڭ شىنى شىعارار ۋاقىتى دا كەلەر.
نەزيرا جەرٸمبەتوۆا,
«ەگەمەن قازاقستان»
قوستاناي
.jpeg)