مەملەكەت باسشىسى قاسىم-جومارت توقاەۆ الماتى جۇرتشىلىعىمەن كەزدەسۋٸندە حالقىمىز ٷشٸن ماڭىزى جوعارى قاسيەتتەر مەن قۇندىلىقتارعا توقتالدى, - دەپ حابارلايدى "ۇلت اقپارات" اقوردا باسپاسٶز قىزمەتٸنە سٸلتەمە جاساپ.
«بٸرٸنشٸ ماڭىزدى مەسەلە. بٸز ەڭبەكقور بولۋىمىز قاجەت. قوعامىمىزدا ەڭبەك ادامى بٸرٸنشٸ ورىندا تۇرۋعا تيٸس. شىن مەنٸندە, بارلىق جەتٸستٸكتٸڭ باستاۋى – ادال ەڭبەك جەنە ٸسكەرلٸك. تابىسقا جەتۋدٸڭ جالعىز جولى – ٶز كەسٸبٸنٸڭ شەبەرٸ بولۋ جەنە ەرٸنبەي ەڭبەك ەتۋ. تٷرلٸ قارجى پيراميداسىنا, قۇمار ويىندارعا ەۋەس ادامدار اقشانىڭ وڭاي جولمەن كەلمەيتٸنٸن تٷسٸنۋٸ كەرەك. ماڭداي تەرٸمەن تابىس تاپقان ادام ونى ماقساتسىز شاشىپ, ىسىراپ قىلمايدى. ٷنەمشٸل, قاناعاتشىل ەرٸ ۇقىپتى بولادى.
مەن اكادەميك اسقار جۇمادٸلداەۆ ايتقان پايىممەن تولىق كەلٸسەمٸن. حالقىمىز وسىنداي كٷردەلٸ زاماندا ەڭ الدىمەن, ەلەمگە پراگماتيكالىق كٶزبەن قاراۋى كەرەك. بوس ەڭگٸمەلەردٸ توقتاتۋ قاجەت. مىسالى, شىڭعىس حان قاي رۋدان شىقتى دەگەن تالاس-تارتىستى قويۋ كەرەك دەپ ويلايمىن.
قازٸرگٸ تاڭدا زييالى قاۋىمنىڭ كەيبٸرٸ شەتٸنەن تاريحشى, شىڭعىستانۋشىلار بولىپ كەتتٸ. مۇنىڭ قوعامىمىزعا پايدا ەكەلەرٸنە كٷمەنٸم بار.
جاستارىمىزدىڭ ساناسى سەرگەك, ەتٸ تٸرٸ, شيراق بولۋى قاجەت. كٶرشٸ مەملەكەتتەردەگٸ جاس ازاماتتار شەتەلگە بارىپ, كەسٸپورىندار, دٷكەندەر اشىپ, جاقسى ٶمٸر سٷرۋ ٷشٸن جاڭا داعدىلاردى يگەرٸپ جاتىر. ولار, شىن مەنٸندە, بەسەكەگە قابٸلەتتٸ ەڭبەكقور ادامدار.
قازٸرگٸ جاعدايدا مەن بٸر جەردە ٶمٸر سٷرەمٸن, بالالارىممەن ٶمٸر بويى بٸرگە تۇرامىن دەگەن ۇعىم ەبدەن ەسكٸرگەن. سوندىقتان, قۇرمەتتٸ اعايىن, بەرٸمٸز وزىق بولايىق! سوندا عانا جاستارىمىزدىڭ كٶزٸ اشىق, كٶكٸرەگٸ وياۋ, ويلارى ۇشقىر بولادى, كٶپتەگەن سىن-قاتەرگە تٶتەپ بەرە الادى. ٶز جاعدايىن ٶزدەرٸ جاساپ, جاقسى ٶمٸر سٷرە الادى» - دەدٸ پرەزيدەنت.
مەملەكەت باسشىسىنىڭ ايتۋىنشا, ەڭبەگٸمٸز ٶنٸمدٸ ەرٸ بەرەكەلٸ بولۋى ٷشٸن بٸز بٸلٸمپاز بولۋىمىز كەرەك.
«بٸز ٶزگەلەردەن بٸلٸم, عىلىم, قارىم-قابٸلەت ارقىلى عانا وزا الامىز. ول ٷشٸن جاستارىمىز جاسامپازدىققا جەنە جاڭاشىلدىققا ۇمتىلۋى قاجەت. ەلەم ەلدەرٸنٸڭ جاقسى قاسيەتتەرٸن ٷيرەنٸپ, ونى حالىققا دەرٸپتەۋ كەرەك. سونداي-اق, تەك ٷيرەنەتٸن ەمەس, ٶزگەگە ٷيرەتەتٸن ۇلتقا اينالاتىن كەز كەلدٸ» - دەدٸ ول.
سونداي-اق, قاسىم-جومارت توقاەۆ ەلٸمٸزدە جاۋاپكەرشٸلٸك يدەولوگيياسى ورنىعۋعا تيٸس ەكەنٸن ايتتى.
«ٷشٸنشٸ. بٸز جاستارعا وزىق بٸلٸممەن قاتار ٶنەگەلٸ تەربيە بەرۋگە تيٸسپٸز. ۇرپاقتىڭ بويىنا ادامگەرشٸلٸك قاسيەتتٸ سٸڭٸرە الماساق, بٸلٸمنٸڭ پايداسىنان زييانى كٶپ بولۋى مٷمكٸن. قانشا جەردەن بٸلٸمدٸ بولسا دا, جاقسىلىققا ۇمتىلماعان ادامنان ەش قايىر جوق.
قوعامدا دۇرىس قۇندىلىقتار ورنىقپاسا, جەمقورلىق, ماسىلدىق, ىسىراپشىلدىق سيياقتى ەلەۋمەتتٸك كەسەلدەر تامىر جايادى. قاتٸگەزدٸك, نەمقۇرايلىق, جالقاۋلىق – ۇلتتىڭ بولمىسىنا تەرٸس ەسەر ەتەتٸن جاعىمسىز ەدەتتەر. قازٸرگٸ الماعايىپ زاماندا بٸز سابىرلى, بايىپتى بولۋىمىز قاجەت. تٷرلٸ ارانداتۋعا ٸلەسپەي, ەر نەرسەگە ۇستامدىلىقپەن قاراۋىمىز كەرەك. بارلىعىن بٸر سەتتە ٶزگەرتەمٸن دەۋگە بولمايدى. حالىققا قاجەتتٸ شارالاردى بٸرتٸندەپ جٷزەگە اسىرىپ جاتىرمىز.
ەلٸمٸزدە جاۋاپكەرشٸلٸك يدەولوگيياسى ورنىعۋعا تيٸس. ويلانباي جاسالعان بٸر قادام, اڭداماي ايتىلعان بٸر اۋىز سٶز, اشۋمەن ٸستەلگەن بٸر ەرەكەت بٷكٸل ەلگە قاۋٸپ تٶندٸرۋٸ مٷمكٸن. سوندىقتان, ەربٸر ادام ەل الدىنداعى جاۋاپكەرشٸلٸگٸن تەرەڭ سەزٸنۋگە تيٸس. بٸز ەردايىم ٶزارا باۋىرمالدىق پەن تٸلەكتەستٸكتٸ, مەيٸرٸمدٸلٸكتٸ دەرٸپتەۋٸمٸز كەرەك. ازاماتتاردىڭ بٸر-بٸرٸنە قامقورلىعى ەلگە دەگەن جاناشىرلىققا ۇلاسادى.
تٶرتٸنشٸ. بٸز وتانشىل جەنە مەملەكەتشٸل بولۋىمىز كەرەك. شىن مەنٸندە, تۋعان جەرٸڭدٸ سٷيۋدەن اسقان باقىت جوق. جٷرەگٸ وتانىم, ەلٸم, جەرٸم دەپ سوققان ادام ەشتەڭەدەن قايمىقپايدى.
بٸزدٸڭ قازاقستاننان باسقا وتانىمىز جوق. ەڭ باستى بايلىعىمىز – تۋعان ەلٸمٸز. سوندىقتان مەملەكەت مٷددەسٸ قاشاندا بارلىعىنان بيٸك تۇرادى» - دەدٸ پرەزيدەنت.
