سۋرەت: ميراس سەيلحاننىڭ جەكە مۇراعاتىنان
شىمكەنتتەگٸ "بٸلٸم-يننوۆاتسييا ليتسەيٸنٸڭ" 11-سىنىپ وقۋشىسى ميراس سەيلحان ەلەمنٸڭ 34 ۋنيۆەرسيتەتٸنەن شاقىرتۋ الدى, - دەپ حابارلايدى Tengrinews.kz.
ميراس سەيلحان - ٶزٸ وقيتىن مەكتەپتٸڭ پرەزيدەنتٸ, Z ۇرپاعىنا ارنالعان BIL PRESS رەداكتسيياسىنىڭ نەگٸزٸن قالاۋشى, وعان قوسا BIL VOLUNTEERS ەرٸكتٸلەر كلۋبىن اشقان.
ول شەتەل وقۋ ورىندارىنا تٷسۋگە دايىندىقتى 9-سىنىپ سوڭىندا باستاعان. بۇل ٷشٸن IELTS, Duolingo سيياقتى تەستتەردٸ تاپسىرىپ, جوعارى كٶرسەتكٸشكە يە بولدى. مىسالى, Duolingo-دان 135, IELTS-تان 8.0 جينادى. سونداي-اق, 650 سٶزدەن تۇراتىن موتيۆاتسييالىق ەسسە جازعان.
"سول ۋاقىتتان باستاپ وسى 11-سىنىپ سوڭىنا دەيٸن تەك ۋنيۆەرسيتەتكە تٷسۋ ٷشٸن ۋاقىت جۇمسادىم", - دەيدٸ ول.
وسىلايشا, ميراس شاقىرۋ العان وقۋ ورىندارىنىڭ 12-سٸ اقش-تا, بەسەۋٸ ۇلىبريتانييادا, بەسەۋٸ كانادادا, بٸرەۋٸ يسپانييادا, تٶرتەۋٸ اۋسترالييادا جەنە تاعى باسقالارى.
ەزٸرشە ول Colgate University, London School of Economics نەمەسە Ithaca College وقۋ ورىندارىن تاڭداپ وتىر. ونىڭ بولاشاق ماماندىعى - قارجى جەنە ەكونوميكا سالاسىمەن بايلانىستى.
ميراس سەيلحان ۋنيۆەرسيتەتتەردەن شاقىرتۋ الۋىنا كٸمدەر ٷلەس قوسقانىن ايتتى.
"ەر قادامىمدى باقىلاپ وتىرعان مۇعالٸمدەرٸم, مەكتەپتٸ بٸتٸرٸپ كەتكەن اعالار كٶمەك بەردٸ", - دەيدٸ وقۋشى.
ميراس سەيلحاننىڭ ارمانى - قازاقستاندى جاڭا دەڭگەيگە كٶتەرۋ.
"ارمانىم ٶتٸرٸك بولىپ كٶرٸنۋٸ مٷمكٸن. پٸكٸرلەردە كٶبٸ مەنٸ شەتەلدە قالىپ قويادى دەپ جازىپ جاتىر, الايدا بۇل مەن ويلاعان نەرسە ەمەس", - دەدٸ ول.
