شىمكەنت – نۇر-سۇلتان باعىتىنداعى ۇشاقتان تەحنيكالىق اقاۋ شىعىپ, ەۋەجايعا قايتۋىنا ورالۋىنا تۋرا كەلدٸ, دەپ حابارلايدى "ۇلت اقپارات" Air Astana ەۋە كومپانيياسىنىڭ باسپاسٶز قىزمەتٸنە سٸلتەمە جاساپ.
وقيعا ۇشاق كٶتەرٸلە بەرگەندە بولعان.
"9 شٸلدەدە شىمكەنت – نۇر-سۇلتان باعىتى بويىنشا ۇشاتىن ا320 ەك-دە كس 342 رەيسٸنٸڭ بيٸككە كٶتەرٸلۋٸ كەزٸندە تەحنيكالىق سەبەپتەرگە بايلانىستى سول قوزعالتقىش سٶنٸپ قالدى. ەكيپاج بارلىق قاجەتتٸ شارانى قابىلداپ, جاعدايدى باقىلاۋعا الدى جەنە شىمكەنت ەۋەجايىنا ورالۋ تۋرالى شەشٸم شىعاردى. قونۋ ەسكەرتۋسٸز ٶتتٸ.
بۇل وقيعاعا قر يندۋسترييا جەنە ينفراقۇرىلىمدىق دامۋ مينيسترلٸگٸ مەن كٶلٸكتەگٸ وقيعالار مەن ينتسيدەنتتەردٸ تەكسەرۋ دەپارتامەنتٸ بٸرلەسٸپ تەرگەۋ جٷرگٸزۋدٸ جوسپارلاپ وتىر", - دەدٸ Air Astana ەۋەكومپانيياسىنىڭ باسپاسٶز قىزمەتٸندەگٸلەر.
جولاۋشىلار FlyArystan مەن Air Astana-نىڭ جاقىن اراداعى تٸكەلەي رەيستەرٸنە ورنالاستىرىلدى.
