تٷركٸستان وبلىستىق دەنساۋلىق ساقتاۋ باسقارماسىنىڭ جەتەكشٸسٸ مارات پاشيموۆ جارىلىستا قازا بولعان كٷزەتشٸ تۋرالى ايتتى, دەپ حابارلايدى Sputnik قازاقستان.
"بٸز تۋىستارىنا كٶڭٸل ايتىپ شىقتىق. ٷش اي بۇرىن عانا ٷيلەنگەن ەكەن. تۋىستارىنىڭ ايتۋىنشا, كەلٸنشەگٸنٸڭ اياعى اۋىر. بٸز ونى باقىلاۋعا الامىز, قولدا بار كٶمەكتٸ جاسايمىز. كرەديتٸ بار ەكەن. ول جاعىنان دا كٶمەكتەسەمٸز", - دەدٸ پاشيموۆ بٷگٸنگٸ بريفينگتە.
ونىڭ ايتۋىنشا, جەرلەۋ مەن اس بەرۋ شىعىندارىن وبلىستىق ەكٸمدٸك تٶلەپ بەرەدٸ. سەبەبٸ پەريناتالدىق ورتالىق وبلىسقا قارايدى.
"سوسىن مەملەكەتتٸك مەكەمەدە ٸستەيتٸن بارلىق قىزمەتكەردٸڭ ٶمٸرٸ ساقتاندىرۋعا جاتادى. ول كٸسٸ جۇمىس ورنىندا بولعان. رەسمي تٷردە كەلٸسٸمشارتى بار. سوندىقتان ساقتاندىرۋ كومپانيياسى بارلىق تٶلەمٸن تٶلەيدٸ", - دەپ اتاپ ٶتتٸ پاشيموۆ.
ال كٶز جۇمعان تاعى بٸر جۇمىسشى جارىلىس بولعان سەتتە كٷردەلٸ جٶندەۋ جۇمىستارىن جاساپ جٷرگەن. ونى "اۆتورەمستروي لتد" جشس جٸبەرگەن. دەل وسى كومپانييا پەريناتالدىق ورتالىقتاعى جٶندەۋ جۇمىستارىنا جاۋاپتى.
"ول كٸسٸ قاتتى جاراقات الدى. سودان بٸردەن وبلىستىق كلينيكالىق اۋرۋحاناعا جەتكٸزٸلگەن. بٸراق بەس ساعاتتان كەيٸن كٶز جۇمدى. ٶيتكەنٸ جاراقاتى ٶتە اۋىر بولعان", - دەدٸ باسقارما باسشىسى.
ەسكە سالساق, كەشە, 21 مامىردا شىمكەنتتە اۋرۋحانانى قاجەتتٸ پرەپاراتتارمەن قامتاماسىز ەتەتٸن دەرٸحانادا جارىلىس بولدى. دەرٸحانا پەريناتالدى ورتالىقتىڭ ماڭىندا ورنالاسقان.
جارىلىستان كەيٸن ٷيٸندٸ اراسىنان كٷزەتشٸنٸڭ مەيٸتٸ تابىلدى. دەنەسٸن ٶرت شالعان.
سونداي-اق پەرزەنتحانادا جاتقان بٸر شاقالاق پەن 1980 جىلعى جۇمىسشى كٶز جۇمدى. تاعى 8 ادام زارداپ شەكتٸ, ولاردىڭ بارلىعى قالانىڭ مەديتسينالىق مەكەمەلەرٸنە جاتقىزىلدى.
