شىمكەنتتەگٸ تەرتٸپسٸزدٸك كەزٸندە «مەترو» ساۋدا ٷيٸن توناۋشىلار ۇستالدى, دەپ حابارلايدى قازاقپارات.
پوليتسييا قىزمەتكەرلەرٸمەن جەدەل-ٸزدەستٸرۋ ٸس-شارالارىن جٷرگٸزۋ بارىسىندا نۇرسەت-3 شاعىناۋدانىندا ورنالاسقان جالدامالى پەتەرلەردٸڭ بٸرٸندە وقيعاعا قاتىسى بار 4 كٷدٸكتٸ ۇستالدى. ولار 2001 جەنە 2002 جىلعى تٷركٸستان وبلىسىنىڭ تۇرعىندارى بولىپ شىقتى.
«كٷدٸكتٸلەردەن ايعاقتى زات رەتٸندە «مەترو» ساۋدا ورتالىعىنان ۇرلانعان تاۋارلار تەركٸلەندٸ. اتالعان ازاماتتارعا قاتىستى كٷزەتپەن ۇستاۋ تٷرٸندەگٸ بۇلتارتپاۋ شاراسى قولدانىلدى», - دەدٸ شىمكەنت قالاسى پوليتسييا دەپارتامەنتٸنٸڭ باستىعى ەرالى جۇماحانبەتوۆ.
سونىمەن قاتار, ەل-فارابي اۋدانى پوليتسييا باسقارماسىنىڭ قىزمەتكەرلەرٸ جەدەل ٸس-شارالار جٷرگٸزۋ بارىسىندا ساۋدا ورتالىعىنىڭ زاتتارىن ۇرلاعان 1995 جىلعى تۇرعىندى ۇستادى. كٷدٸكتٸ ۇرلانعان زاتتارىن ٶزٸ جۇمىس ٸستەيتٸن كٶلٸك جۋۋ ورنىنىڭ دەمالىس بٶلمەسٸندە جاسىرعان. ۇرلانعان تاۋارلاردان بٶلەك, بٶلمەدە ەرەكشە يٸسٸ بار زات پەن ٸشٸندە سارى سۇيىقتىعى بار كەسٸلگەن پلاستيكالىق بٶتەلكە جەنە كاستەت تابىلدى.
قازٸرگٸ تاڭدا جايتتار بويىنشا تەرگەپ-تەكسەرۋ امالدارى جٷرگٸزٸلۋدە.
