Shymkenttegi tártipsizdik kezinde «Metro» saýda úiin tonaýshylar ustaldy, dep habarlaidy QazAqparat.
Politsiia qyzmetkerlerimen jedel-izdestirý is-sharalaryn júrgizý barysynda Nursát-3 shaǵynaýdanynda ornalasqan jaldamaly páterlerdiń birinde oqiǵaǵa qatysy bar 4 kúdikti ustaldy. Olar 2001 jáne 2002 jylǵy Túrkistan oblysynyń turǵyndary bolyp shyqty.
«Kúdiktilerden aiǵaqty zat retinde «Metro» saýda ortalyǵynan urlanǵan taýarlar tárkilendi. Atalǵan azamattarǵa qatysty kúzetpen ustaý túrindegi bultartpaý sharasy qoldanyldy», - dedi Shymkent qalasy Politsiia departamentiniń bastyǵy Eraly Jumahanbetov.
Sonymen qatar, Ál-Farabi aýdany Politsiia basqarmasynyń qyzmetkerleri jedel is-sharalar júrgizý barysynda saýda ortalyǵynyń zattaryn urlaǵan 1995 jylǵy turǵyndy ustady. Kúdikti urlanǵan zattaryn ózi jumys isteitin kólik jýý ornynyń demalys bólmesinde jasyrǵan. Urlanǵan taýarlardan bólek, bólmede erekshe iisi bar zat pen ishinde sary suiyqtyǵy bar kesilgen plastikalyq bótelke jáne kastet tabyldy.
Qazirgi tańda jaittar boiynsha tergep-tekserý amaldary júrgizilýde.
