شىمكەنتتەگٸ بالاباقشالار 25 مامىردان باستاپ اشىلاتىن بولدى. بۇل تۋرالى قالالىق بٸلٸم باسقارماسىنىڭ باسشىسى جانات تەجيەۆا مەلٸمدەدٸ, دەپ حابارلايدى "ۇلت اقپارات".
باسقارما باسشىسىنىڭ ايتۋىنشا, مەكتەپكە دەيٸنگٸ مەكەمەلەرگە بالالاردى قابىلداۋى بويىنشا جاڭا الگوريتم قابىلدانعان. وعان سەيكەس, بالاباقشاعا بارعىسى كەلەتٸن بالالار مەن ونداعى تەربيەشٸلەردەن دەنساۋلىعى تۋرالى انىقتاما تالاپ ەتٸلەدٸ.
«الگوريتمگە سەيكەس, بٸرٸنشٸ كەزەكتە بالانى پەدياتردىڭ انىقتاماسىمەن قابىلدايتىن بولامىز. بالانىڭ دەنساۋلىعى جاقسى ەكەنٸن دەلەلدەيتٸن قۇجاتتاردى سۇرايمىز. سونىمەن قاتار, بالاباقشاداعى قىزمەتكەرلەردٸڭ دە دەنساۋلىقتارى جٶنٸندە ەرقايسىسىنان انىقتاماسىن تالاپ ەتەمٸز. بۇدان بٶلەك, اتا-اناسى نەمەسە ولارمەن قارىم-قاتىناستاعى تۋىستارىنىڭ دا ساۋلىعى جازىلعان قۇجاتتارىن سۇراتىپ, ارنايى تەكسەرۋدەن كەيٸن عانا بالالاردى بالاباقشاعا كٸرگٸزەمٸز»,- دەدٸ جانات تەجيەۆا.
باسقارما باسشىسى بۇل جٷيەنٸڭ ساقتىق شارالارى مەن قوعام قاۋٸپسٸزدٸگٸ ٷشٸن قولعا الىنعانىن ايتادى. ونىڭ سٶزٸنشە, ەر توپتاعى بالا سانى 15-تەن اسپايدى. قازٸرگٸ كەزدە وسى ماقساتتا ارنايى تٸزٸم جاساقتالا باستاعان. بالاباقشاعا كەلۋشٸ بٷلدٸرشٸندەر مەن بارشا قىزمەتكەرلەردٸڭ سەت سايىن دەنە قىزۋى تەكسەرٸلٸپ, قولدارى ارنايى انتيسەپتيكتەرمەن زالالسىزداندىرىلىپ وتىرماق. قالانىڭ باس پەداگوگى ساقتىق شارالارى ٷشٸن بالالاردىڭ ارا قاشىقتىعى ساقتالىپ, بالاباقشا اۋماعى, عيماراتتىڭ ٸشٸ مەن سىرتىندا سانيتارلىق تالاپتار قاتاڭ ساقتالاتىنىن جەتكٸزدٸ.
ايتا كەتەيٸك, بٷگٸندە ميلليوننان اسا حالىق تۇراتىن قالادا بارلىعى 529 بالاباقشا بار. وندا 77 مىڭنان اسا بٷلدٸرشٸن تەربيەلەنەدٸ.
