تٷركٸستان وبلىسى مەن شىمكەنت قالاسى اراسىندا نىسانداردى بٶلۋ بالانسى جاسالىپ, 99 نىسان شىم قالانىڭ كوممۋنالدىق مەنشٸگٸنە ٶتتٸ. بۇل مەسەلە بٷگٸن قالالىق مەسليحاتتىڭ كەزەكتەن تىس 41-سەسسيياسىندا قارالدى.
سەسسييا بارىسىندا قالانىڭ 2018-2020 جىلدارعا ارنالعان بيۋدجەتٸنە تولىقتىرۋلار مەن ٶزگەرٸستەر ەنگٸزٸلٸپ, 2018-2020 جىلدارعا ارنالعان دامۋ باعدارلاماسى بەكٸتٸلدٸ. بۇل مەسەلەلەر دەپۋتاتتار تاراپىنان بٸراۋىزدان قولداۋ تاپتى. مەسليحاتتا قالا ەكٸمٸ عابيدوللا ەبدٸراحىموۆ ٶزٸنە جٷكتەلگەن فۋنكتسييالار مەن مٸندەتتەردٸڭ ورىندالۋى تۋرالى ەسەپ بەردٸ. قالا ستاتۋسىنىڭ ٶزگەرۋٸنە بايلانىستى نەگٸزگٸ كٷش ەكٸمشٸلٸك-ۇيىمداستىرۋ جۇمىستارىنا باعىتتالعانىن ايتقان قالا باسشىسى جەرگٸلٸكتٸ اتقارۋشى ورگانداردىڭ تۇراقتى جۇمىس ٸستەۋٸن قامتاماسىز ەتۋ ٷشٸن قىسقا مەرزٸمدە كٶپتەگەن ٸس-شارالار اتقارىلعانىن جەتكٸزدٸ. مەسەلەن, قالالىق ەكٸمدٸكتٸڭ باسقارۋ قۇرىلىمىنا ٶزگەرٸستەر ەنگٸزٸلٸپ, قىزمەتكەرلەردٸڭ سانى 509-دان 721-گە جەتكەن. ال, ەكٸمدٸكتٸڭ 15 سالالىق بٶلٸمدەرٸ قايتا قۇرىلىمدالىپ, باسقارما بولىپ ٶزگەرتٸلگەن. تاعى جاڭادان 8 باسقارما قۇرىلعان.
شىمكەنتتە اتقارىلعان جۇمىستاردىڭ 10 ايلىق كٶرسەتكٸشتەرٸنە توقتالعان شاھار باسشىسى ٶنەركەسٸپ ٶنٸمٸنٸڭ كٶلەمٸ 384 ملرد تەڭگەنٸ قۇراپ, ٶتكەن جىلمەن سالىستىرعاندا 4 پايىزعا ارتقانىن اتاپ ٶتتٸ. وسى كەزەڭ ارالىعىندا يندۋستريالدى-يننوۆاتسييالىق دامۋ باعدارلاماسى بويىنشا 9,5 ملرد تەڭگەنٸ قۇرايتىن 8 جوبا ٸسكە قوسىلىپ, جاڭا 613 جۇمىس ورنى اشىلعان.
«وسىدان ەكٸ جىل بۇرىن قابىلدانعان دامۋ تۇجىىرىمداماسى بويىنشا شىمكەنتتٸ ميلليون تۇرعىنى بار قالاعا جەتكٸزۋ ماقساتى قويىلعان ەدٸ. بٸز وعان قول جەتكٸزدٸك. تاياۋدا وڭتٷستٸك كورەياعا بارىپ قايتتىم. وندا سەۋل قالاسىنىڭ باسشىلىعىمەن كەزدەسٸپ, قۇرىلىس كومپانيياسىنىڭ باسشىلارىمەن بٸرقاتار كەلٸسٸمدەرگە قول جەتكٸزدٸك. ەندٸ كەلەسٸ جىلى قالادا ٷلكەن قۇرىلىس جۇمىستارى باستالادى», - دەدٸ عابيدوللا ەبدٸراحىموۆ.
