شىمكەنتتە جاپپاي تٶبەلەستەن تاياق جەپ, كوماعا كٷسكەن 17 جاستاعى جاسٶسپٸرٸم كٶز جۇمدى.
تٷركٸستان وبلىستىق بالالار اۋرۋحاناسىنىڭ جانساقتاۋ بٶلٸمٸندە جاتقان ابزال ٶتكٸروۆ باس مي جاراقاتىنىڭ اۋىرلىعىنان, ەس جيماعان كٷيٸندە جانتەسٸلٸم ەتتٸ, دەپ حابارلايدى قازاقپارات تٸلشٸسٸ.
تٷركٸستان وبلىستىق قوعامدىق دەنساۋلىق باسقارماسىنىڭ مەلٸمەتٸنشە, جاسٶسپٸرٸم اۋرۋحاناعا 23 مامىر كٷنٸ جاتقىزىلعان.
«ناۋقاس 23.05.2020ج تٷنگٸ ساعات 01:55-تە مەديتسينالىق جەدەل-جەردەم قىزمەتٸمەن اۋىر حالدە جەتكٸزٸلگەن. ناۋقاس اۋىر جاراقات العان بولاتىن. اۋرۋحانا دەرٸگەرلەرٸ جەدەل تٷردە ناۋقاستى تيٸستٸ مەديتسينالىق تەكسەرۋدەن ٶتكٸزٸپ, زەرتتەۋلەر جٷرگٸزدٸ. ناۋقاستىڭ باس ميىنا قان كەتكەنٸ انىقتالدى. جەدەل تٷردە وتا – دەكومپرەسسيۆتٸ ترەپاناتسيياسى جاسالىندى. ناۋقاسقا العان جاراقاتىنا جەنە جاعدايىنىڭ اۋىرلىعىنا بايلانىستى قاجەتتٸ ەم جانساقتاۋ بٶلٸمٸندە كٶرسەتٸلگەن. ونى ۇزاق جولعا الىپ شىعۋ قاۋٸپتٸ بولعاندىقتان دەرٸگەرلەر ۇلتتىق عىلىمي ورتالىعىنىنىڭ ماماندارىنان تەلەمەديتسينا ارقىلى كەڭەس الىپ, ەمدٸك شارالاردى جاسادى. الايدا 1-شٸ ماۋسىم, تٷنگٸ ساعات 23:45-تە جاسٶسپٸرٸم كٶز جۇمدى. كومادا جاتقان كٷيٸ ەس جيماي قايتىس بولدى», - دەلٸنگەن باسقارماسىنىڭ حابارلاماسىندا.
ايتا كەتەيٸك, بۇعان دەيٸن مارقۇمنىڭ تۋىستارى 22 مامىر كٷنٸ شىمكەنتتٸڭ ٸرگەسٸندەگٸ ماياتاس ەلدٸمەكەنٸندە جاپپاي تٶبەلەس بولعانىن ايتقان. وندا بولعان ەكٸ جاسٶسپٸرٸم سوققى الىپ, 17 جاستاعى جاسٶسپٸرٸم اۋىر جاراقاتىمەن اۋرۋحاناعا تٷسكەن. ناۋقاس بالانىڭ اعاسى تٶبەلەس كەزٸندە تٸپتٸ ٸنٸسٸنٸڭ باسىن شلاكوبلوكپەن ۇرعانى, تٸپتٸ تىرناقتارىن جۇلىپ تاستاعانىن تۋرالى ايتقان. قازٸرگٸ تاڭدا شىمكەنتتٸڭ پوليتسييا دەپارتامەنتٸ تٶبەلەسكە بايلانىستى قىلمىستىق ٸس قوزعاپ, تەرگەۋ امالدارىن جٷرگٸزۋدە.
