شىمكەنت قالاسىندا ۆاگونداردىڭ اۋدارىلۋىنان 7 جولاۋشى پويىزى 9 ساعاتقا دەيٸن جولدا تۇرىپ قالعان. ولاردا 1400-گە جۋىق ادام بولعان. بۇل تۋرالى قر تٶتەنشە جاعدايلار مينيسترلٸگٸنٸڭ رەسمي ٶكٸلٸ تالعات ۋەلي حابارلادى.
قازاننىڭ 23-ٸنەن 24-ٸنە قاراعان تٷنٸ شىمكەنتتە 14 ۆاگون جولدان شىعىپ, اۋدارىلىپ كەتكەن بولاتىن.
سالدارىنان 7 جولاۋشىلار پويىزىنىڭ قوزعالىسى كەشٸكتٸرٸلدٸ, اتاپ ايتقاندا:
1. شىمكەنت ستانتسيياسىندا №34 «اقتٶبە – الماتى» جولاۋشىلار پويىزى 9 ساعاتقا, №76 «قىزىلوردا-پەتروپاۆل» پويىزى 7 ساعاتقا كەشٸكتٸ.
2. قورعاسىن ستانتسيياسىندا № 56 «قىزىلوردا-كٶكشەتاۋ» جولاۋشىلار پويىزى 5 ساعاتقا كەشٸكتٸ.
3. قىزىلساي ستانتسيياسىندا №23 «الماتى-اقتٶبە» جولاۋشىلار پويىزى 8 ساعاتقا كەشٸكتٸ.
4. مانكەنت-2 ستانتسيياسىندا №11 «الماتى – شىمكەنت» جولاۋشىلار پويىزى 5 ساعاتقا, №85 «نۇر-سۇلتان-سارىاعاش» پويىزى 1,5 ساعاتقا كەشٸكتٸ.
5. ساستٶبە ستانتسيياسىندا № 33 «الماتى-اقتٶبە» جولاۋشىلار پويىزى 1 ساعاتقا كەشٸكتٸ.
«قوزعالىسى كەشٸكتٸرٸلگەن پويىزداردا 1 393 جولاۋشى بولعان. سونىمەن قاتار, جەرگٸلٸكتٸ اتقارۋشى ورگاندار شىمكەنت قالاسىنا جولاۋشىلاردى تاسىمالداۋ ٷشٸن 5 شاعىن اۆتوبۋس پەن 2 اۆتوبۋس ۇيىمداستىردى», - دەدٸ ت.ۋەلي.
مەلٸم ەتٸلگەندەي, بٷگٸن ساعات 12.49-دا اتالمىش پويىزدار قوزعالىسىن قايتا جالعاستىردى.
