شىمكەنت قالاسىندا ەلباسىمەن اتتاس ازامات تۇرادى. اتى — نۇرسۇلتان. تەگٸ — نازارباەۆ. ياعني, نۇرسۇلتان نازارباەۆ. «نازمەد» مەديتسينا ورتالىعىندا باس دەرٸگەر بولىپ قىزمەت اتقاراتىن ول, ەلباسىمەن اتتاس بولۋ ٷلكەن جاۋاپكەرشٸلٸك جٷكتەيتٸندٸگٸن ايتتادى, دەپ جازادى قازاقپارات اگەنتتٸگٸ.
«بۇل ەسٸمدٸ يەلەنۋ مەن ٷشٸن ٷلكەن ابىروي, ماقتانىش, ەرٸ ٷلكەن جاۋاپكەرشٸلٸك. ەڭ باستىسى ەلباسىنىڭ اتىنا كٸر كەلتەرمەۋٸم كەرەك. مەكتەپتە جاقسى وقىدىم. جوعارى وقۋ ورنىن دا ٷزدٸك بٸتٸردٸم. ەردايىم ەلباسىنداي كٶشباسشى بولۋعا ۇمتىلدىم», – دەيدٸ ول.
نۇرسۇلتان نەلٸحانۇلى 1989 جىلى تاشكەنت قالاسىندا دٷنيەگە كەلگەن. اتاسى نازارباي سول كەزدەگٸ قازاقستان كومپارتيياسى ورتالىق كوميتەتٸنٸڭ حاتشىسى قىزمەتٸن اتقارىپ جٷرگەن ن.ە.نازارباەۆتىڭ جولىن بەرسٸن دەگەن نيەتپەن ەسٸمٸن نۇرسۇلتان قويىپتى. سەبەبٸ, سول كەزدەگٸ قازاق جاستارىنىڭ اراسىنان شىققان كٶشباسشىعا دەگەن وتباسىنىڭ قۇرمەتٸ جوعارى بولعان.
«بٸز ٷيدە بٸر قىز, ەكٸ ۇلمىز. ٷلكەنٸمٸز — گٷلجانات. ال, مەنەن كەيٸنگٸ ٸنٸمنٸڭ ەسٸمٸ نۇريسلام. ول دٷنيەگە كەلگەن كەزدە ٶزبەكستان مەن قازاقستان اراسىنداعى دوستىق بەكي تٷسكەن بولاتىن. سوندىقتان اتام, ەكٸ ەل پرەزيدەنتتەرٸنٸڭ ەسٸمدەرٸندەگٸ «نۇر» جەنە «يسلام» سٶزدەرٸن الىپ, «نۇريسلام» دەپ اتادى», – دەيدٸ ول.
30 جاستان ەندٸ اسقان نۇرسۇلتان نازارباەۆپەن كەزدەسكەن جاندار ەسٸمٸن ەستٸگەن كەزدە تاڭ قالىسادى ەكەن. العاشقىدا سەنبەيتٸندەر, كۋەلٸگٸن كٶرگەن سوڭ, سۋرەتكە تٷسٸپ, سەلفي جاسايدى.
«الدىما كەلگەن پاتسيەنتتەر بەيدجيگٸمدە جازىلعان ەسٸمٸمدٸ كٶرٸپ, سەنبەي قايتا سۇراپ جاتادى. ٸس-ساپارمەن جٷرٸپ, كەي مەكەمەلەرگە تٸركەلمەكشٸ بولىپ, قۇجاتىمدى ۇسىنعان كەزدە دە بەتٸمە تاڭ قالىسىپ قارايتىندار كٶپ. بٸردە جول پاترۋلدٸك پوليتسييا قىزمەتكەرٸ توقتاتتى. شەنٸ اعا لەيتەنات ەكەن. قۇجاتتارىمدى كٶرٸسٸمەن كاپيتانىن شاقىرىپ, ەسٸمٸم جازىلعان قۇجاتتاردى كٶرسەتتٸ. ەكەۋٸدە كٷلٸپ قاراپ, سەتتٸلٸك تٸلەدٸ», - دەيدٸ نۇرسۇلتان.
جالپى شىمكەنتتٸك نازارباەۆتار وتباسىن كٶپشٸلٸك دەرٸگەرلەر ديناستيياسى دەپ بٸلەدٸ. ەكەسٸ مەن ەپكەسٸ اق حالات كيٸپ, حالىققا قىزمەت ەتٸپ جٷر. ال, نۇرسۇلتاننىڭ ٶزٸ بٷگٸندە عىلىم جولىن ۇستانعان. ماگيسترلٸكتٸ تەمامداپ, دوكتورلىقتى وقىپ جاتىر. ەرٸ كەسٸبي مامان. بٸلٸكتٸ باسشى. جوعارى دەرەجەلٸ حيرۋرگ.
«ادامدا ارمان كٶپ قوي. مەنٸڭ بٸر ارمانىم — ەلباسىمەن كەزدەسسەم», – دەيدٸ ول.
