بٷگٸن شىمكەنت قالاسىندا «تۋعان جەر-التىن بەسٸگٸم» اتتى وبلىستىق فەستيۆال اياسىندا تٶلە بي اۋدانىنىڭ كٷندەرٸ ٶتۋدە, دەپ حابارلايدى قازاقپارات وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
مەملەكەت باسشىسىنىڭ «بولاشاققا باعدار: رۋحاني جاڭعىرۋ» ماقالاسىنداعى «تۋعان جەر» باعدارلاماسىن جٷزەگە اسىرۋ مەن وڭتٷستٸك قازاقستان وبلىسىنىڭ 85 جىلدىعىنا وراي ۇيىمداستىرىلعان فەستيۆالعا 600-گە جۋىق تٶلەبيلٸك ٶنەرپاز قاتىساتىن ونعا جۋىق ٸس-شارا ۇيىمداستىرىلادى.
شىمكەنت قالاسىنداعى ەكٸمشٸلٸك ٸسكەرلٸك ورتالىعىندا اۋىل شارۋاشىلىعى ەڭبەككەرلەرٸنٸڭ دەستٷرلٸ «التىن كٷز - 2017» جەرمەڭكەسٸنەن باستاۋ العان شاراعا وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ قاتىستى.
وندا ەكٸم, گوبەلەن ٶنەرٸنٸڭ قاس شەبەرٸ ق.تىنىبەكوۆتىڭ 70 جىلدىعىنا ارنالعان قىلقالام, قولٶنەر شەبەرلەرٸنٸڭ كٶرمەسٸن, اۋىل شارۋاشىلىق ٶنٸمدەرٸنٸڭ جەرمەڭكەسٸن جەنە «تٶلە بي بارىسى» وبلىستىق اشىق تۋرنيرٸن تاماشالادى.
بٸرنەشە ايعا سوزىلعان «تۋعان جەر - التىن بەسٸگٸم» اتتى وبلىستىق ٶنەر فەستيۆالٸ شىمكەنتتٸ دۋمانعا بٶلەپ جاتقانىن ايتقان ەكٸم, فەستيۆالدٸ جوعارى دەڭگەيدە ۇيىمداستىرۋعا اتسالىسقان بارشا ازاماتتارعا العىسىن جەتكٸزدٸ.
«بۇل اۋقىمدى شارا اۋدان-قالالاردىڭ مەدەنيەتٸ مەن رۋحانيياتىنىڭ كٶرٸنٸسٸنەن بٶلەك, ەلەۋمەتتٸك-ەكونوميكالىق ٶركەندەۋٸن دە ايعاقتاپ وتىر. بۇل وبلىستىق ٸس-شارامىز ەلباسىمىز نۇرسۇلتان ەبٸشۇلى نازارباەۆتىڭ «بولاشاققا باعدار» رۋحاني جاڭعىرۋ» باعدارلامالىق ماقالاسىنداعى «تۋعان جەر» باعىتىمەن تٸكەلەي ٷندەسٸپ جاتىر. «كٶكتەمنٸڭ بٸر كٷنٸ جىلعا ازىق» دەگەندٸ ٶز باسىنان ٶتكەرگەن شارۋانىڭ ەرتە كٶكتەمنەن تىنىم تاپپاي اتقارعان ەڭبەگٸنٸڭ راحاتىن كٶرەتٸن كەزٸ - وسى قوڭىر كٷز. تٶلەبيدٸڭ اۋىلشارۋاشىلىق سالاسىنىڭ قىزمەتكەرلەرٸ جىلدى جاقسى قورىتىندىلادى. بۇعان دەلەل - بٷگٸنگٸ جەرمەڭكەدەگٸ سانىنا ساپاسى ساي ازىق تٷلٸكتٸڭ بارلىق تٷرٸن, وعان دەگەن حالىقتىڭ قىزىعۋشىلىعى مەن جاقسى سۇرانىسىن كٶرٸپ وتىرمىز. سوندىقتان اگرارلىق سەكتورداعى جەتٸستٸكتەرٸمٸزدٸ بارشا وبلىس ەڭبەككەرلەرٸنٸڭ ورتاق جەڭٸسٸ دەپ باعالايمىز», - دەدٸ ەكٸم.
بۇدان بٶلەك, تٶلەبيلٸكتەر كەلۋشٸلەرگە دەمٸ تٸل ٷيٸرەر ديحانكٶل قىمىزىن تەگٸن تاراتىپ, «سٸرگە مٶلدٸرەتەر» دەستٷرٸ مەن «مارقا كٶتەرۋ» بالۋاندار جەنە مەرگەندەر سايىسىن ۇسىندى. ٸس-شارا بارىسىندا ۇلتتىق-مەدەني ورتالىقتارىنىڭ اس مەزٸرٸنەن كٶرمە, «التىباقان» ويىن-ساۋىق وتاۋى اياسىندا «ساقينا سالۋ» ويىندارىن ۇيىمداستىردى.
دەل وسى كٷنٸ ج.شانين اتىنداعى وبلىستىق اكادەمييالىق قازاق دراما تەاترىندا «جەبە» حالىقتىق دراما ۇجىمىنىڭ ەدٸلبەك بەكبوسىنۇلىنىڭ «تٶلە بيدٸڭ تٶرەلٸگٸ» اتتى ارنايى قويىلىمى قويىلدى. تۋىندىدا 1725 جىلعى وقيعا كٶرٸنٸس تاۋىپ, سيپاتتالدى.
سونداي-اق «وتىرار» وبلىستىق عىلىمي-ەمبەباپ كٸتاپحاناسىندا اقىن, جۋرناليست, عالىم, باسپاگەر, قازاقستان جازۋشىلار وداعىنىڭ مٷشەسٸ, فيلولوگييا عىلىمدارىنىڭ كانديداتى تەمٸرعالي كٶپباەۆ پەن اۋداندىق «تٶلە بي تۋى» قوعامدىق-ساياسي گازەتٸ رەداكتورىنىڭ ورىنباسارى, ورىنباسار سٷتتٸباەۆتىڭ وقىرماندارمەن كەزدەسۋ كەشٸ ٶتتٸ. شارا سوڭى اۋداندىق كٶركەم ٶنەرپازداردىڭ گالا-كونتسەرتٸنە ۇلاساتىن بولادى.
