فوتو: شىمكەنت تجد باسپاسٶز قىزمەتٸ
شىمكەنت قالاسىنىڭ تٶتەنشە جاعدايلار دەپارتامەنتٸ حالىققا ەسكەرتۋ جاسادى. ەكٸ كٷننٸڭ ٸشٸندە ەكٸ بالا تەرەڭدٸگٸ جارتى مەتردەن اسپايتىن سۋعا باتىپ كەتتٸ, دەپ حابارلايدى Sputnik قازاقستان.
جازاتايىم وقيعانىڭ بٸرٸ 5 تامىزدا گەولوگتار ساياجايىندا بولعان. اتا-اناسىنىڭ قاراۋىنسىز قالعان ەكٸ جاسار بالا سۋارۋ كانالىنا باتىپ كەتكەن. كانالدىڭ تەرەڭدٸگٸ – 50 سم, ال ەنٸ – 1,5 مەتر. بالانىڭ مەيٸتٸن تۋىسى شىعارىپ الدى.
7 تامىزدا اباي اۋدانىندا كٶشەدەن ٶتٸپ بارا جاتقان ادامدار الماتى تاسجولى بويىنداعى قالالىق تازارتۋ جٷيەسٸندە 2022 جىلى تۋعان قىزدىڭ مەيٸتٸن تاپتى. ول بەلگٸسٸز جاعدايدا ناۋاعا تٷسٸپ, سۋعا باتىپ كەتكەن. تازارتۋ جٷيەسٸنٸڭ تەرەڭدٸگٸ – 40 سم, ەنٸ – 1 مەتر. ول بالا دا اتا-اناسىنىڭ قاراۋىنسىز قالعان.
"تۇراقتى تٷردە جٷرگٸزٸلٸپ جاتقان رەيدتەرگە, بۇقارالىق اقپارات قۇرالدارىنداعى (تەلەديدار, باسپاسٶز) ەسكەرتۋلەرگە قاراماستان ەكٸ جازاتايىم وقيعا تٸركەلدٸ. اتا-انالار, بالالارعا اباي بولىڭىزدار", - دەيدٸ قۇتقارۋشىلار.
جىل باسىنان بەرٸ قالادا جەكە ٷيلەردە ورناتىلعان قاڭقالى باسسەيندەردە, سۋارۋ كانالدارىندا, سۋبۇرقاقتاردا 7 جازاتايىم وقيعا بولدى. بارلىق جاعدايدا بالالار اتا-اناسىنىڭ قاراۋىنسىز قالعان.
