شىمكەنت قالاسىنداعى كارديولوگييالىق ورتالىقتا پنەۆمونيياعا شالدىعىپ, دەنساۋلىعى كٷرت تٶمەندەگەن ناۋقاستاردى ەكستراكورپورالدٸ مەمبرانالى وكسيگەناتسييالىق (ەكمو) اپپاراتىنا قوسىپ ەمدەپ جاتىر. ماماندار بۇل قۇرىلعىنى يۆل اپپاراتىنا قوسىمشا كٶمەك رەتٸندە پايدالانۋدا, دەپ حابارلايدى "ۇلت اقپارات".
قالالىق كارديولوگييالىق ورتالىق جانىنان اشىلعان ەكمو ورتالىعىنا شاھاردىڭ ٶزگە اۋرۋحانالارىنان دەنساۋلىعى ناشارلاعان ناۋقاستار جەتكٸزٸلۋدە. دەرٸگەرلەر ناۋقاستاردى وسى تەسٸلمەن ەمدەۋدە.
«ەكمو اپپاراتى – ٶكپە قابىنىپ جۇمىسى قاتتى ناشارلاعان كەزدە قاندى وتتەگٸمەن قامتاماسىز ەتەدٸ. ياعني, ادامنىڭ كٷرە تامىرلارىنان ارنايى تٷتٸكشەلەر ارقىلى اپپاراتقا قوسىپ, ەكمو-عا قۇيىلعان قانعا قاجەتتٸ دەڭگەيدە وتتەگٸ بەرٸلەدٸ. سوسىن قايتا ادام اعزاسىنا جٸبەرٸلەدٸ. وسىنىڭ ارقاسىندا قان اينالىمى جاقسارادى. اتالعان قۇرىلعى ناۋقاسقا دەر كەزٸندە كٶمەك كٶرسەتۋگە مٷمكٸندٸك بەرەدٸ», - دەيدٸ شىمكەنت قالالىق كارديولوگييالىق ورتالىقتىڭ ديرەكتورى ەرماعانبەت قۋاتباەۆ.
كٷنٸ بٷگٸنگە دەيٸن بۇل اپپاراتقا 5 ناۋقاس قوسىلىپ, ونىڭ بٸرٸنٸڭ دەنساۋلىعى جاقسارعان. ماماندار الداعى اپتادا ساۋىققان ناۋقاستاردى ٷيلەرٸنە قايتارۋدى جوسپارلاپ وتىر. پنەۆمونييانىڭ ەل اراسىندا كەڭٸنەن تارالۋىنا وراي ەكمو ورتالىعىندا 35 تٶسەك-ورىن دايىندالعان. شىمكەنتتٸك كارديولوگتار ٶزگە وبلىستارداعى ەرٸپتەستەرٸنٸڭ دە ەكمو اپپاراتىن وسى بٸر ٸندەتكە قارسى كٷرەستە قولدانۋىن كەڭەس بەرەدٸ. بٸراق ەكمو-نى ادام اعزاسىنا قوسۋ ٷشٸن كارديوحيرۋرگ, انەستەزيولوگ-رەانيماتولوگ, پەرفۋزيولوگ سىندى ماماندار كومانداسى قاجەت. دەسە دە, جۇمىستىڭ 80 پايىز اۋىرتپاشىلىعى مەدبيكەلەردٸڭ موينىندا بولاتىن كٶرٸنەدٸ.
ايتا كەتەيٸك, جٷيەلٸ جۇمىستىڭ ارقاسىندا كٷنٸ بٷگٸنگە دەيٸن قالالىق كارديولوگييالىق ورتالىقتىڭ بٸردە-بٸر قىزمەتكەرٸ جامان ٸندەتتٸ جۇقتىرماعان.
