ٸشكٸ ٸستەر مينيسترٸنٸڭ بٸرٸنشٸ ورىنباسارى مارات قوجاەۆ شىمكەنتكە جۇمىس ساپارى بارىسىندا قالالىق پوليتسييا دەپارتامەنتٸنٸڭ جەكە قۇرامى اراسىنداعى تەرتٸپ پەن زاڭدىلىقتىڭ بۇزىلۋىن سىنعا الدى - دەپ حابارلايدى Tengrinews.kz تٸلشٸسٸ شىمكەنت قالالىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
شىمكەنتكە ٸشكٸ ٸستەر مينيسترٸنٸڭ بٸرٸنشٸ ورىنباسارى مارات قوجاەۆتىڭ باسشىلىعىمەن ارنايى توپ كەلدٸ. بۇعان شىمكەنت قالاسى پوليتسييا قىزمەتكەرلەرٸنٸڭ ۇستالۋى سەبەپ بولدى.
"مارات قوجاەۆ قالالىق پوليتسييانىڭ جۇمىستى ۇيىمداستىرۋ مەن تەرتٸپ جاعدايىنا قاتىستى جۇمىسىن سىنعا الدى. قازٸرگٸ جاعداي شۇعىل ٶزگەرٸستەردٸ تالاپ ەتەتٸنٸن اتاپ ٶتتٸ", - دەپ حابارلادى باسپاسٶز قىزمەتٸ.
ٸٸم ارنايى توبىنىڭ مٷشەلەرٸ قىزمەتكەرلەرگە قالالىق پوليتسييانىڭ بٸرقاتار باسشىلارى تەرتٸپتٸك جاۋاپكەرشٸلٸككە تارتىلعانىن جەتكٸزدٸ. ولاردىڭ قاتارىندا پد باستىعى قايرات دەلبەكوۆ تە بار. مينيستردٸڭ بٸرٸنشٸ ورىنباسارى قوجاەۆ ونى ٸٸم باسشىسىنىڭ باقىلاۋسىزدىعى ٷشٸن جازالاۋ تۋرالى بۇيرىعىمەن جەكە تانىستىردى.
"جاۋاپكەرشٸلٸككە تارتۋعا پوليتسييا قىزمەتكەرلەرٸ جاساعان قىلمىستار مەن قۇقىق بۇزۋشىلىقتار سەبەپ بولدى. ولاردىڭ اراسىندا جەرگٸلٸكتٸ پوليتسييا قىزمەتٸنٸڭ ەكس-باستىعى, روتا كومانديرٸ جەنە پاترۋلدٸك پوليتسييا پولكٸنٸڭ ەكٸ قىزمەتكەرٸ, سونداي-اق اباي اۋداندىق پوليتسييا باسقارماسىنىڭ قىزمەتكەرلەرٸ بار.
جەكە قۇراممەن جۇمىس ٸستەۋ مٸندەتٸنە كٸرەتٸن كادر اپپاراتىنا قاتىستى دا قاتاڭ شارالار قابىلداناتىن بولادى. پرەزيدەنتتٸڭ قازاقستان حالقىنا "جاڭا قازاقستان" جولداۋىن ٸسكە اسىرۋ ماقساتىندا پوليتسييا قاتارىندا دٶرەكٸلٸككە, جەكجاتتىققا جەنە تامىر-تانىسقا ورىن جوق. بٷگٸن بٸز ٸشكٸ ٸستەر ورگاندارىنىڭ ادال, ەڭبەكقور قىزمەتكەرلەرٸن قولدايمىز. ازاماتتاردىڭ كونستيتۋتسييالىق قۇقىقتارىن ساقتاۋ جەنە زاڭنىڭ ٷستەمدٸگٸ - بٸزدٸڭ نەگٸزگٸ مٸندەتٸمٸز", - دەدٸ مارات قوجاەۆ.
